రియాద్: ఒంటెల వేడుకలు ఫిబ్రవరి 2024లో రియాద్‌లో జరగబోతున్నట్లు సౌదీ ఒంటె స్పోర్ట్స్ ఫెడరేషన్ గురువారం ప్రకటించింది. ప్రపంచవ్యాప్తంగా ఉన్న ఒంటె ఔత్సాహికులు ఈ ఫెస్టివల్‌లో పాల్గొంటారు. SR70 మిలియన్ల కంటే ఎక్కువ విలువైన బహుమతులను అందించనున్నట్లు క్రీడల మంత్రి ప్రిన్స్ అబ్దుల్ అజీజ్ బిన్ తుర్కి తెలిపారు. సౌదీ ఒంటె స్పోర్ట్స్ డైరెక్టర్ల బోర్డు ఛైర్మన్ ప్రిన్స్ ఫహద్ బిన్ జలావి ఒంటెల ఫెస్టివల్ కు గ్రీన్ సిగ్నేల్ ఇవ్వడంపై రెండు పవిత్ర మసీదుల సంరక్షకుడికి కృతజ్ఞతలు తెలిపారు. ఒంటెల పందేలను అంతర్జాతీయ క్రీడగా గుర్తించడంలో దేశ నాయకత్వం కీలక పాత్ర పోషించిందని ఆయన పేర్కొన్నారు.