అక్కినేని నాగార్జున తాజా చిత్రం ‘నా సామిరంగా’. ఇంతవరకూ ఈ సినిమాకి సంబంధించి విడుదల చేసిన పోస్టర్లన్నీ ఓ మాదిరిగా వున్నాయ్. హీరో నాగార్జున పాత్రకు సంబంధించిన మాస్ లుక్స్‌తో కూడిన పోస్టర్లవి.

తాజాగా ఓ గ్లింప్స్ రిలీజ్ చేసింది చిత్ర యూనిట్. సినిమా స్వరూపమే మారిపోయింది ఈ గ్లింప్స్‌తో. ఈ సినిమాలో అల్లరి నరేష్ ఓ కీలక పాత్ర పోషిస్తున్నాడన్న సంగతి తెలిసిందే.

అయితే, తాజా గ్లింప్స్‌లో ఆ విషయం ప్రూవ్ అయ్యేలా అల్లరోడి క్యారెక్టర్‌ని రివీల్ చేశారు. ‘చేసేయ్.. చేసెయ్.. లేదంటే మాటొచ్చేద్ది.. మాటొచ్చేద్ది..’ అంటూ ఓ డైలాగ్ నరేష్ నోటివెంట పలికించారు. ఓ చిన్న డాన్స్ స్టెప్.. రెండు సీన్లు..’ రెస్పాన్స్ మాత్రం హ్యూజ్ రేంజ్.!

తెరపై నరేష్‌తో పాటూ, నాగార్జున కూడా కనిపిస్తున్నాడు. కానీ, నరేష్ సినిమాలో నాగార్జున నటిస్తున్నాడా.? అనే ఫీల్ కలిగేలా వుంది గ్లింప్స్.

ఇద్దరూ కలిసి ఆనందంగా చిందేయడం.. నరేష్ సైకిల్ తొక్కుతుంటే.. వెనకాల నాగార్జున కూర్చోవడం.. చాలా ఆహ్లాదంగా కనిపిస్తుంది. ఈ గ్లింప్స్‌తో సినిమాపై అంచనాలు పెరిగిపోయాయ్.

సంక్రాంతి రేస్‌లో ఈ సినిమా నిలవబోతోంది. మరి, నాగార్జునకి హిట్ ఇస్తుందా.? ఈ గ్లింప్స్‌తో ఓ అంచనాకి రావోచ్చులే మరి.