టాలీవుడ్‌లో చెప్పుకోదగ్గ మ్యూజిక్ డైరెక్టర్లలో ఒకరు థమన్. టాప్ హీరోలందరికీ థమన్ మ్యూజిక్కే ఇప్పుడు ట్రెండింగ్. అయితే, థమన్ మ్యూజిక్‌లో కాపీ క్యాట్ అనే ప్రచారం గత కొంతకాలంగా వినిపిస్తోంది.

ఒక్కటే మ్యూజిక్‌ని అటూ ఇటూ తిప్పి కొట్టేస్తున్నాడన్న గుసగుసలు లేకపోలేదు. 
అయినా కానీ వేరే దారి లేదు.. అయితే దేవిశ్రీ ప్రసాద్. లేదంటే థమన్, బ్యాక్ గ్రౌండ్ స్కోర్ విషయంలో థమన్ ప్రత్యేక పంథా ప్రదర్శిస్తుంటాడు.

అదే ఆయన్ని ఇండస్ర్టీలో టాప్ మ్యూజిక్ డైరెక్టర్‌గా నిలబెడుతోంది. అయితే, ఈ మధ్య చాలా ఎక్కువగా ట్రోల్స్ ఎదుర్కొంటున్నాడు థమన్.

వాటికి వివరణ కూడా ఇచ్చుకోక తప్పడం లేదు కొన్నిసార్లయితే. తాజాగా మహేష్ బాబు ‘గుంటూరు కారం’ సినిమాకి సంబంధించి ఇంకోసారి అదే పరిస్థితిని ఎదుర్కొంటున్నాడు థమన్.

అయితే, ఈ సారి థమన్‌తో పాటూ, డైరెక్టర్ త్రివిక్రమ్‌నీ ఆటాడేసుకుంటున్నారు. ‘కుర్చీ మడత పెట్టి..’ అనే ఓ మాస్ సాంగ్ విషయంలో రచ్చ జరుగుతోందిప్పుడు. ఈ మాట కొన్నాళ్ల క్రితం ఓ యూ ట్యూబ్‌లో ట్రెండింగ్ అయ్యింది. నిజానికి బూతు సందర్భంలో ఉపయోగించిన మాట ఇది.

దీన్నే పాటగా పెట్టేసి అదీ మహేష్ - త్రివిక్రమ్ సినిమాకి కొట్టేయడం పట్ల అందరూ అభ్యంతరం వ్యక్తం చేస్తున్నారు. రామజోగయ్య శాస్త్రి లాంటి సంగీత విధ్వాంసులు ఇలాంటి పాటకు తమ కలాన్ని ఎలా వాడారంటూ ట్రోల్ చేస్తున్నారు.