బహ్రెయిన్: బహ్రెయిన్‌లోని పౌరుల కోసం ప్రభుత్వ పోర్టల్ Bahrain.bh ద్వారా పోయిన లేదా పాడైన పాస్ పోర్టులను ఆన్‌లైన్‌లో జారీ చేయడానికి సర్వీస్ ను తీసుకొచ్చినట్లు జాతీయత, పాస్‌పోర్ట్‌లు మరియు నివాస వ్యవహారాలు (NPRA) ప్రకటించింది. NPRA అండర్ సెక్రటరీ షేక్ హిషామ్ బిన్ అబ్దుల్‌రహ్మాన్ అల్ ఖలీఫా మాట్లాడుతూ.. పౌరులు తమ వివరాలను నమోదు చేయడం ద్వారా..  అవసరమైన పత్రాలను జత చేయడం ద్వారా కొత్త సర్వీస్ నుండి ప్రయోజనం పొందవచ్చని సూచించారు. దరఖాస్తును సమర్పించిన తర్వాత, దరఖాస్తుదారు జారీ ప్రక్రియ మరియు ఆన్‌లైన్ పేమెంట్ ను ఖరారు చేయడానికి వర్చువల్ కాల్‌ని స్వీకరిస్తారని ఆయన చెప్పారు. పాస్‌పోర్ట్ ఏదైనా NPRA సర్వీస్ సెంటర్‌లో అందజేయబడుతుందన్నారు.