సెలబ్రిటీల పెళ్లి వార్తలన్నీ విచిత్రంగానే జరుగుతుంటాయ్. అరేంజెడ్ మ్యారేజెస్ సంగతి పక్కన పెడితే, కొన్ని లవ్ మ్యారేజ్‌లు మాత్రం మొదట ప్రచారాల పర్వంతో మొదలై, ఆ తర్వాత సహజీవనాలతో సాగి.. చివరికి పెళ్లి ముడితో ముగుస్తుంటాయ్.

చాలా జంటల విషయంలో ఇలాగే జరిగింది. లేటెస్ట్‌గా మెగా ప్రిన్స్ వరుణ్ తేజ్, లావణ్య త్రిపాఠి విషయంలోనూ ఇదే జరిగింది. తాజాగా సిద్ధార్ద్, అదితి రావ్ హైదరీ జంట ట్రెండింగ్ అవుతోంది. గత కొంత కాలంగా వీరిద్దరి మధ్యా ఏదో నడుస్తోందంటూ గుసగుసలు వినిపిస్తున్న సంగతి తెలిసిందే.

అందుకు తగ్గట్లుగానే ఈ జంట ఎక్కడ కనిపించినా గాలి కూడా చొరబడనంత క్లోజ్‌గా మూవ్ అవుతూ కెమెరా కంటికి చిక్కుతుండడం.. కలిసి పార్టీలు, వెకేషన్లూ ఎంజాయ్ చేస్తుండడం... ఆ సెలబ్రేషన్స్‌ని సోషల్ మీడియాలో పంచుకుంటూ, సంకేతాలివ్వడం చేస్తున్నారు.

దాంతో, త్వరలోనే ఈ జంట పెళ్లి చేసుకోబోతోందంటూ ప్రచారం గట్టిగా వినిపిస్తోంది. ఇప్పుడా ప్రచారం మరింత జోరందుకుంది. సిద్దార్ధ్‌కి ఆల్రెడీ గతంలో వివాహం జరిగింది. మనస్సర్ధల కారణంగా భార్యతో విడాకులు తీసుకుని సింగిల్‌గా వుంటున్నాడు.

ఆ మధ్యలో చాలా మంది హీరోయిన్లతో రిలేషన్‌షిప్స్ పెట్టుకున్నప్పటికీ తాజాగా అదితీ రావ్ హైదరితో క్లోజ్‌గా మూవ్ అవుతున్నాడు. ఇద్దరి అభిప్రాయాలూ, అభిరుచులు కలిస్తే ఏమో త్వరలోనే పెళ్లి చేసుకుంటారేమో.. ఇప్పటికైతే ఈ యవ్వారం జస్ట్ ప్రచారంగానే నడుస్తోంది మరి.