అఖిల్ వంశీ పైడి పల్లి కాంబినేషన్ లో రావలసిన మూవీ అటక ఎక్కడంతో షాక్ లో ఉన్న నాగార్జున ఇప్పుడు అఖిల్ రెండవ సినిమా విషయంలో మరింత స్పీడ్ పెంచి రకరకాల ప్రత్యామ్నాయాలు ఆలోచిస్తున్నట్లు వార్తలు వస్తున్నాయి. కొద్ది రోజుల క్రితం దర్శకుడు హను రాఘవ పూడి అఖిల్ ను దృష్టిలో పెట్టుకుని తయారు చేసిన కధను ఇష్టపడ్డ నాగార్జున ఆ కధకు సంబంధించి కొన్ని మార్పులు సూచించినట్లు వార్తలు వస్తున్నాయి.అయితే ఈపరిస్థితులు ఇలా ఉండగా నాగార్జున దృష్టి దర్శకుడు కొరటాల శివ పై పడినట్లుగా వార్తలు వస్తున్నాయి. కొరటాల శివ ప్రస్తుతం జూనియర్ తో తీస్తున్న 'జనతా గ్యారేజ్' సినిమా హడావిడి ఆగష్టుతో పూర్తి అవుతుంది కాబట్టి కొరటాలను ఏదో విధంగా అఖిల్ రెండవ సినిమాకు దర్శకుడిగా ఒప్పించడానికి నాగ్ తీవ్ర ప్రయత్నాలు చేస్తున్నట్లు టాక్.ఈ నెల మలయాళంలో విడుదలయి సూపర్ హిట్ అయిన 'కమ్మటి పాదం' రీమేక్ హక్కుల పై నాగార్జున దృష్టి పడింది అని టాక్. మళయాళ దర్శకుడు రాజీవ్ రవి దర్శకత్వం వహించిన ఈసినిమా కథ ఒక సస్పెన్స్ లవ్ స్టోరీ. ఈ కథ అన్నివిధాల అఖిల్ కు బాగుంటుంది అని భావించి ఈసినిమాకు కొరటాల శివ చేత దర్శకత్వం వహింప చేయాలని నాగార్జున ఆలోచన అని అంటున్నారు.ప్రముఖ నిర్మాత డి.వి.వి. దానయ్య చేత ఈసినిమాను కొరటాల శివ అఖిల్ కాంబినేషన్ లో రూపొందేలా నాగార్జున అన్ని ప్రయత్నాలు చేస్తున్నట్లు వార్తలు వస్తున్నాయి. అయితే స్వతహాగా రచయిత అయిన కొరటాల శివ ఈ రీమేక్ విషయంలో పెద్దగా ఆ శక్తి చూపిస్తాడా అన్న అనుమానాలు కూడ ఉన్నాయి. అదీ కాకుండా 'జనతా గ్యారేజ్' తరువాత మరో టాప్ యంగ్ హీరోతో సినిమాను చేయాలని కొరటాల శివ ఆలోచిస్తూ ఉంటే అతడిపై మాత్రం నాగార్జున ఒత్తిడి చాల ఎక్కువగా ఉన్నట్లు టాక్..