యూఏఈ: ఇస్లాంలో అత్యంత పవిత్రమైన మాసంగా పరిగణించబడే రమదాన్ లో ముస్లింలు తెల్లవారుజాము నుండి సాయంత్రం వరకు ఉపవాసం ఉంటారు. రమదాన్ ఇస్లామిక్ క్యాలెండర్‌లో తొమ్మిదవ నెల. హిజ్రీ క్యాలెండర్‌లోని అన్ని నెలలలాగే చంద్రుడు కనిపించగానే రమదాన్ మాసం ప్రారంభం అవుతుంది.

రమదాన్ 2024 ఎప్పుడు ప్రారంభమవుతుంది?  

దుబాయ్ ఇస్లామిక్ అఫైర్స్ అండ్ చారిటబుల్ యాక్టివిటీస్ డిపార్ట్‌మెంట్ (IACAD) వెబ్‌సైట్‌లో ప్రచురించబడిన హిజ్రీ క్యాలెండర్ ప్రకారం.. రమదాన్ మార్చి 12 (మంగళవారం) ప్రారంభమవుతుంది. అప్పటికి యూఏఈలో వసంతకాలం ప్రారంభం కావడంతో ఆ సమయంలో ఉష్ణోగ్రతలు తక్కువగా ఉంటాయి.

ఉపవాస వ్యవధి ఎంత?

2023తో పోలిస్తే 2024లో ఉపవాస సమయాలు తక్కువగా ఉంటాయి. పవిత్ర మాసం మొదటి రోజునముస్లింలు 13 గంటల 16 నిమిషాల పాటు ఆహారం, పానీయాలకు దూరంగా ఉంటారు. నెలాఖరు నాటికి ఉపవాస సమయాలు దాదాపు 14 గంటలకు చేరుకుంటాయి. 2023లో ఉపవాస సమయాలు 13 గంటల 33 నిమిషాల 14 గంటల 16 నిమిషాల మధ్య ఉండేవి.

రమదాన్ ఎప్పుడు ముగుస్తుంది?

IACAD క్యాలెండర్ ప్రకారం.. పవిత్ర మాసానికి 29 రోజులు ఉండవచ్చు. చివరి ఉపవాస దినం ఏప్రిల్ 9(మంగళవారం) అయ్యే అవకాశం ఉంది.

ఈద్ అల్ ఫితర్ 2024 ఎప్పుడు?

ఇస్లామిక్ పండుగ ఈద్ అల్ ఫితర్ ఉపవాస నెల తర్వాత గుర్తించబడుతుంది. 2024లో ఈ రమదాన్ నివాసితులకు సుదీర్ఘ అధికారిక విరామం అందిస్తుంది. రమదాన్ 29 నుండి షవ్వాల్ 3 వరకు ప్రభుత్వ సెలవుదినంగా ప్రభుత్వం పేర్కొంది. క్యాలెండర్ ఆధారంగా, సంబంధిత గ్రెగోరియన్ క్యాలెండర్ తేదీలు.. ఏప్రిల్ 9 (మంగళవారం) నుంచి ఏప్రిల్ 12(శుక్రవారం) వరకు ఉంటాయి. ఇక శని-ఆదివారం వారాంతంలో పనిచేసేవారికి ఇది ఆరు రోజుల విరామం అవుతుంది.