యూఏఈ: ఎయిర్‌పోర్ట్-టు-ఎయిర్‌పోర్ట్ స్థితి మార్పు(A2A వీసా మార్పు) సేవను ఉపయోగించడం ద్వారా వీసాలను పొడిగించాలనుకునే సందర్శకులు మునుపటి ధరలతో పోలిస్తే 20 శాతం వరకు అదనంగా చెల్లించాల్సి ఉంటుందని ట్రావెల్ పరిశ్రమ నిపుణులు వెల్లడించారు. విజిటర్స్ బయటకు వెళ్లి తిరిగి వచ్చే విమానయాన సంస్థ విమాన ఛార్జీలను దాదాపు Dh125 పెంచిందని రెహాన్ అల్ జజీరా టూరిజం మేనేజింగ్ డైరెక్టర్ షిహాబ్ పర్వాద్ అన్నారు.

A2A వీసా మార్పు అంటే ఏమిటి?
విమానాశ్రయం నుండి విమానాశ్రయం వీసా మార్పు సందర్శకులు దరఖాస్తుదారు స్వదేశానికి తిరిగి వెళ్లే బదులు సమీప దేశాన్ని సందర్శించడం ద్వారా త్వరగా కొత్త పర్యాటక వీసాను పొందేందుకు అనుమతిస్తుంది. సందర్శకులు అదే రోజు వీసా మార్పును పొందవచ్చు లేదా పొరుగు దేశంలో ఒక రాత్రి గడిపి మరుసటి రోజు తిరిగి రావచ్చు. అదే-రోజు ప్రక్రియకు సాధారణంగా దాదాపు నాలుగు గంటల సమయం పడుతుంది. ఇందులో బయటికి వెళ్లడం, పొరుగు దేశపు విమానాశ్రయంలో వేచి ఉండటం మరియు తర్వాత విమానంలో తిరిగి రావడం వంటివి ఉంటాయి.

ప్రస్తుతం Dh1,500 నుండి ప్రారంభం
పర్యాటక సంస్థల ప్రకారం.. 2023 చివరి త్రైమాసికంలో అధికారులు 90 రోజుల వీసాను రద్దు చేశారు. దీంతో సందర్శకులలో 60 రోజుల వీసాల కోసం డిమాండ్‌ పెరిగింది.  “60 రోజుల వీసా ధర 1,300 దిర్హామ్‌ల వద్ద మొదలవుతుంది. ఇప్పుడు దీని ధర Dh1,500 నుండి మొదలవుతుంది. ”అని రూహ్ ట్రావెల్ అండ్ టూరిజం ఆపరేషన్స్ అండ్ సేల్స్ హెడ్ లిబిన్ వర్గీస్ తెలిపారు. అయితే, విజిటర్స్ ప్యాకేజీని బుక్ చేసినప్పుడు ఉన్న ధర ఆధారపడి ఉంటుంది. ఒక నెల ముందుగానే బుక్ చేసుకుంటే మరింత తక్కువకే(చౌక) అవుతుందని వర్గీస్ వివరించారు.

డిసెంబర్ 2022లో యూఏఈ విజిట్ వీసా హోల్డర్‌లు తమ దేశం నుండి తమ స్టే పర్మిట్‌లను పొడిగించే అవకాశాన్ని నిలిపివేసింది. విజిట్ వీసా హోల్డర్లు కొత్త వీసాపై తిరిగి రావడానికి ముందు దేశం నుండి నిష్క్రమించవలసి ఉంటుంది. విజిట్ వీసా హోల్డర్లు దేశం నుండి నిష్క్రమించడం మరియు కొత్త వీసాలో ప్రవేశించడం ఎల్లప్పుడూ తప్పనిసరి. అయితే కోవిడ్-19 లాక్‌డౌన్ సమయంలో నిబంధనలు మార్చబడ్డాయి.  విమానంలో 30 రోజుల వీసా మార్పు ధర కూడా Dh1,200 నుండి Dh1,300కి (ప్రారంభ ధరలు) పెరిగిందని పరిశ్రమ నిపుణులు స్పష్టం చేశారు.