యూఏఈలో తొలి ఆక్యుపేషనల్‌ స్క్రీనింగ్‌ సెంటర్‌ని ప్రారంభించారు. అప్‌టౌన్‌ హెల్త్‌ స్క్రీనింగ్‌ పేరుతో ఇది ప్రారంభించబడింది. హెల్త్‌ అథారిటీ (డిహెచ్‌ఎ) చైర్మన్‌ ఆఫ్‌ ది బోర్డ్‌ మరియు డైరెక్టర్‌ జనరల్‌ హమిద్‌ అల్‌ ఖతామి, అప్‌టౌన్‌ మిర్దిఫ్‌లో ఈ స్క్రీనింగ్‌ సెంటర్‌ని ప్రారంభించారు. 15 జాబ్‌ కేటగిరీస్‌లోని వారికి ఆక్యుపేషనల్‌ స్క్రీనింగ్‌ ఈ సెంటర్‌లో నిర్వహిస్తారు. ఆయా ప్రొఫెషన్‌ అవసరాలకు తగ్గట్టుగా సర్టిఫికేషన్‌ కోసం ఈ స్క్రీనింగ్‌ సెంటర్‌ని సంప్రదించవలసి ఉంటుంది. ఫిజికల్‌ టెస్ట్‌లు, ఎక్స్‌రే వంటి సౌకర్యాలు ఇక్కడ అందుబాటులో ఉంటాయి. ఎక్స్‌రే రూమ్స్‌, బ్లడ్‌ కలెక్షన్‌ రూమ్స్‌, బ్లడ్‌ ప్రాసెసింగ్‌ ల్యాబ్‌, ఆరు కన్సల్టేషన్‌ రూమ్స్‌ ఈ సెంటర్‌లో ఏర్పాటు చేశారు. 4 నుంచి 5 పరీక్షలు 300 దిర్హామ్‌ల నుంచి 900 దిర్హామ్‌లదాకా ఖర్చుతో ఇక్కడ లభ్యమవుతాయి.