కింగ్‌ హమాద్‌ బిన్‌ ఇసా అల్‌ ఖలీఫా, రాయల్‌ ఆర్డర్‌ని జారీ చేశారు. రమదాన్‌ బహుమతుల కోసం నిర్దేశించిన మొత్తాన్ని రాయల్‌ ఛారిటీ ఆర్గనైజేషన్‌ (ఆర్‌సిఓ) స్పాన్సర్డ్‌ కుటుంబాలకు అందించేలా ఈ ఆదేశాల్లో కింగ్‌ పేర్కొన్నారు. పవిత్ర రమదాన్‌ మాసం సందర్భంగా లబ్దిదారులకు బహుమతులు అందనున్నాయి. 10,000 బహ్రెయినీ దినార్స్‌ విలువైన బహుమతులు ఆర్‌సిఓ రిజిస్టర్డ్‌ అనాధలు, వితంతువులకు దక్కనున్నాయి. ఆర్‌సిఓ సెక్రెటరీ జనరల్‌ డాక్టర్‌ ముస్తఫా అల్‌సయెద్‌ మాట్లాడుతూ, రాయల్‌ గ్రాంట్‌, కింగ్‌ హమాద్‌కి పౌరుల మీదున్న ప్రేమాభిమానాలకు నిదర్శనమని చెప్పారు. ఈ గ్రాంట్‌తో లబ్దిదారులు గౌరవ ప్రదమైన జీవితాన్ని గడపగలుగుతారని ఆయన చెప్పారు.