మస్కట్: ఒమన్ సుల్తానేట్‌లోని వివిధ గవర్నరేట్‌లలో  మార్చి 5 నుండి  20 మిమీ నుండి 60 మిమీ వరకు భారీ వర్షపాతం కురిసే అవకాశం ఉందని వాతావరణ శాఖ వెల్లడించింది. ముసందమ్, అల్ బురైమి, నార్త్ అల్ బతినా, సౌత్ అల్ బతినా మరియు అల్ ధాహిరా గవర్నరేట్‌ల మీదుగా  వడగళ్లతో కూడిన భారీ ఉరుములతో కూడిన వర్షాలు కురుస్తాయి. సివిల్ ఏవియేషన్ అథారిటీ, ఉరుములతో కూడిన జల్లులు కురిసే సమయంలో జాగ్రత్తలు తీసుకోవాలని.. వాడీలను (ఫ్లాష్ ఫ్లడ్) దాటవద్దని, లోతట్టు ప్రాంతాలకు వెళ్లవద్దని, హెచ్చరిక సమయంలో ప్రయాణించవద్దని సూచించింది.

హెచ్చరికలు:

1-వడగళ్లతో కూడిన భారీ ఉరుములతో కూడిన వర్షాలు (20 - 60 మి.మీ.) ఆకస్మిక వరదలకు (వాడీస్) కారణం కావచ్చు.

2-15 - 35 నాట్స్ (28 - 64 కిమీ/గం) వేగంతో బలమైన డౌన్‌డ్రాఫ్ట్ యాక్టివ్ గాలులు వీస్తాయి.

3-ముసండం గవర్నరేట్ మరియు ఒమన్ సముద్ర తీరాల (2-3.5 మీటర్లు) వెంబడి సముద్ర మట్టం పెరగవచ్చు.

4- ఉరుములతో కూడిన జల్లుల సమయంలో హారిజాంటల్ విజిబిలిటీ తగ్గుతుంది.