దుబాయ్: బార్షా హైట్స్‌లోని హమేల్ అల్ గైత్ మసీదు ప్రాంగణంలో ముస్లిం మరియు ముస్లిమేతర నివాసితులకు ప్రతిరోజూ 2,000 కంటే ఎక్కువ ఇఫ్తార్ ప్యాకెట్లు పంపిణీ చేస్తున్నారు. ఇఫ్తార్ బాక్స్‌లో తాజా సలాడ్, పండ్లు మరియు మండి(మాంసంతో కూడి రైస్), స్వీట్ ఉన్నాయి.  అలాగే ప్రతి ఒక్కరికీ ఉపవాసం విరమించడానికి ఖర్జూరం, నీరు అందించబడుతుంది.  ఒక వాలంటీర్ మాట్లాడుతూ.. అన్ని మతాల ప్రజలకు భోజనం అందజేస్తామన్నారు. ఇఫ్తార్ ముగిసిన వెంటనే, వాలంటీర్లు విశ్వాసులకు వసతి కల్పించడానికి ఇషా మరియు తరావీహ్ ప్రార్థనలకు ముందు ప్రాంతాన్ని శుభ్రపరుస్తారు. "మధ్యాహ్నం 2.30 గంటలకు జోర్ ప్రార్థన తర్వాత మేము పని ప్రారంభిస్తాము. మొదట, మేము సాధారణంగా పార్కింగ్ స్థలాన్ని బ్లాక్ చేసి, నేలపై చాపను వేస్తాము. మేము ప్రతి వరుసలో 200 మంది కూర్చునే చోట పది వరుసలలో ఇఫ్తార్ బాక్సులను జాగ్రత్తగా ఉంచుతాము" అని వాలంటీర్ వివరించారు. "ప్రభుత్వం మరియు దుబాయ్ ప్రజల దాతృత్వంతో మేము ఇఫ్తార్ గురించి ఆందోళన చెందాల్సిన అవసరం లేదు. రుచికరమైన ఇఫ్తార్ భోజనం పొందడానికి మేము చేయవలసిందల్లా సమీపంలోని మసీదుకు నడిచివెళ్లడమే" అని డెలివరీ రైడర్ అమీర్ మహమూద్ అన్నారు.  ఇస్లామిక్ అఫైర్స్ అండ్ ఛారిటబుల్ యాక్టివిటీస్ డిపార్ట్‌మెంట్ (IACAD), కమ్యూనిటీ డెవలప్‌మెంట్ అథారిటీ (CDA) సహకారంతో దుబాయ్‌లో రమదాన్ ప్రచారంలో భాగంగా ఈ ఉదాత్తమైన సేవలను అందిస్తున్నారు.