కువైట్: పబ్లిక్ అథారిటీ ఫర్ సివిల్ ఇన్ఫర్మేషన్ డిసెంబర్ 2023 చివరి నాటికి విడుదల చేసిన తాజా డేటా ప్రకారం.. కువైట్‌లో మొత్తం జనాభా 2023 చివరి నాటికి 4,860,000కి చేరుకుంది. ఇది 2022 ముగింపుతో పోలిస్తే 2.6 శాతం(4,737,000) పెరిగింది. కువైట్ జనాభా 28, 600 మంది లేదా 1.9 శాతం వృద్ధి రేటుతో పెరిగింది.  2023 నాటికి వారి మొత్తం సంఖ్య 1,546,000కి చేరుకుంది. తాజా గణాంకాల ప్రకారం.. మొత్తం జనాభాలో కువైటీల శాతం 2022 చివరి నాటికి 32.04 శాతం నుంచి 31.82కి తగ్గింది. నాన్-కువైట్ జనాభా 94,000 మంది (పెరుగుదల రేటు 2.9 శాతం) పెరిగి 3,313,000 మందికి చేరుకుంది. 2014–2023 సంవత్సరాల్లో 1.8 శాతం వార్షిక వృద్ధి రేటు ఉంది. కువైట్ స్త్రీల సంఖ్య మొత్తం 787,300, పురుషుల సంఖ్య 758,900 గా ఉంది.