యూఏఈ: దుబాయ్‌లో జనవరి 29న 24 క్యారెట్ల బంగారం ధర గ్రాముకు Dh666 వద్ద రికార్డు గరిష్ట స్థాయికి చేరింది. కానీ వీకెండ్ లో గ్రాముకు Dh76.5 తగ్గి Dh589.5కి పడిపోయింది. దీంతో బంగారం మరియు వెండి ధరలు రికార్డు స్థాయిలో ఉన్న అవకాశాన్ని సద్వినియోగం చేసుకుని, చాలా మంది యూఏఈ నివాసితులు మరియు పెట్టుబడిదారులు ప్రాపర్టీలను కొనడానికి ముందస్తు రుణాలు మరియు తమ క్రెడిట్ కార్డ్ రుణాలను తీర్చడానికి తమ వద్ద ఉన్న గోల్డ్, సిల్వర్ ను విక్రయిస్తున్నారు.

మరోవైపు, స్పాట్ బంగారం ధర వారాంతంలో 8.14 శాతం తగ్గి ఔన్స్‌కు $4,893.2కి పడిపోయింది. ఇది $5,500 వద్ద గరిష్ట స్థాయికి చేరింది. యూఎస్ ఫెడరల్ రిజర్వ్‌ కు కొత్త అధిపతిగా కెవిన్ వార్ష్ నియామకం తర్వాత డాలర్ బలపడటంతో ధరలు పడిపోయాయి.  ధరలు పడిపోవడంతో యూఏఈ నివాసితులు మరియు పెట్టుబడిదారులు తమ బంగారం మరియు వెండిని అమ్మడానికి పరుగులు తీశారు.  

అధిక బంగారం ధరల ప్రయోజనాన్ని పొందడానికి ఇటీవల తన పాత బంగారు ఆభరణాలను విక్రయించి, ఆ అమ్మకంపై 25 శాతం లాభం సంపాదించినట్లు 29 సంవత్సరాలకు పైగా దుబాయ్‌లో నివసిస్తున్న షెహజాది రెహమాన్ తెలిపారు. చాలా మంది తాము ధరించని పాత ఆభరణాలను అమ్మేందుకు ఆసక్తి చూపతున్నారు. ప్రజల వద్ద చాలా కాలం పాటు ధరించని అనేక ఆభరణాలు ఉన్నాయని, కాబట్టి వాటిని అమ్మి తమ అప్పులను తీర్చుకోవడానికి ఇది వారికి ఒక అవకాశం అని, ప్రస్తుతం అమ్మి క్రెడిట్ కార్డ్ రుణాలను తీర్చడానికి ఇది ఉత్తమ అవకాశం అని షెహజాది రెహమాన్ అన్నారు.

దుబాయ్‌లో ప్రాపర్టీ ధరలు గత ఐదేళ్లుగా నిలకడగా పెరుగుతూ, పెట్టుబడిదారులకు రెండంకెల రాబడిని ఇస్తున్నాయి.  అంతేకాకుండా, అధిక అద్దె ధరలను తగ్గించుకోవడానికి చాలా మంది సొంత ప్లాట్లను కొనేందుకు ఆసక్తి చూపుతున్నారని దుబాయ్ నివాసి అయిన మయాంక్ దుదేజా తెలిపారు.