బహ్రెయిన్: బహ్రెయిన్ మరియు సింగపూర్ ప్రభుత్వాలు బహ్రెయిన్‌లో బహ్రెయిన్ ఇంటర్నేషనల్ కమర్షియల్ కోర్ట్ (BICC)ని ఏర్పాటు చేయడానికి ఉద్దేశించిన ఒప్పందంపై సంతకాలు చేశాయి. న్యాయ, ఇస్లామిక్ వ్యవహారాలు,  దేవాదాయ శాఖ మంత్రి నవాఫ్ బిన్ మొహమ్మద్ అల్ మావ్డా, సింగపూర్ న్యాయ శాఖ మంత్రి కాశీవిశ్వనాథన్ షణ్ముగం వర్చువల్ సమావేశంలో ఈ ఒప్పందంపై సంతకం చేశారు. అంతర్జాతీయ వాణిజ్యంలో వివాదాల పరిష్కారం కోసం పరివర్తనాత్మక వ్యవస్థలను అభివృద్ధి చేయడం, వాణిజ్య న్యాయానికి సంబంధించి అంతర్జాతీయ వ్యవస్థను ఆమోదించడం ద్వారా అంతర్జాతీయ వాణిజ్యాన్ని పెంచడం ఈ ఒప్పందం లక్ష్యంగా పేర్కొన్నారు. ఇది రెండు అంతర్జాతీయ వాణిజ్య న్యాయస్థానాల మధ్య సహకారంతోపాటు అంతర్జాతీయ వాణిజ్య వివాద పరిష్కారానికి మెరుగైన ప్రమాణాలను అభివృద్ధి చేయనుందని తెలిపారు. మే 2023లో చీఫ్ జస్టిస్ మీనన్ నేతృత్వంలోని ప్రతినిధి బృందం బహ్రెయిన్‌ను సందర్శించినప్పుడు, బహ్రెయిన్ మరియు సింగపూర్ న్యాయవ్యవస్థలు మనీ జడ్జిమెంట్‌ల అమలుకు సంబంధించి సహకారం, మెమోరాండం ఆఫ్ గైడెన్స్‌ పై అవగాహన ఒప్పందం (MOU)పై సంతకం చేశారు.