అమరావతి: తెలుగుదశం పార్టీ అధినేత నారా చంద్రబాబు నాయుడు సభలు, రోడ్‌ షోలు ప్రజాగళం పేరుతో ఎన్నికల ప్రచారం ఈ నెల 27 నుండి మొదలుపెట్టనున్నారు. తొలి విడతలో 27 నుంచి 31 వరకు చంద్రబాబు పర్యటన షెడ్యూల్‌ ఖరారైంది. 27న పలమనేరు, నగరి, నెల్లూరు రూరల్‌ లో ఆయన ఎన్నికల ప్రచారం నిర్వహించనున్నారు. 28న రాప్తాడు, కదిరి, శింగనమలలో ఎన్నికల ప్రచారం చేస్తారు. 29న కర్నూలు, శ్రీశైలం, నందికొట్కూరులో ఎన్నికల ప్రచారం కొనసాగనుంది. 30న ప్రొద్దుటూరు, మైదుకూరు, సూళ్లూరుపేట, శ్రీకాళహస్తిలో, 31న కావలి, ఒంగోలు, సంతనూతలపాడు, మార్కాపురంలో ఎన్నికల ప్రచారం నిర్వహించనున్నారు. ఇక, రేపు, ఎల్లుండి చంద్రబాబు సొంత నియోజకవర్గమైన కుప్పంలో పర్యటించనున్నారు.