డోల్ పూర్ణిమ విశిష్టత ..!
- March 25, 2024సనాతన హిందూ ధర్మంలో హోలీ పండుగకు ఉన్న ప్రాముఖ్యత చెప్పనక్కర్లేదు. వయస్సు, తారతమ్య భేదాలు లేకుండా అందరు కలిసి సంతోషంగా జరుపుకుంటారు. భారతదేశంలోని కొన్ని రాష్ట్రాల్లో హోలీతో పాటు పలు ఉపపండుగలు జరుపుకుంటారు. వాటిలో ముఖ్యమైనది డోల్ పూర్ణిమ.
డోల్ పూర్ణిమ, డోలా జాత్ర , దూల్ ఉత్సవ్ లేదా తేల్ గా ఈ పండుగ ప్రసిద్ధి చెందింది. ఇది బెంగాల్, రాజస్థాన్, అస్సాం, త్రిపుర, బ్రజ్ మరియు గుజరాత్ రాష్ట్రాలలో హోలీ పండుగ సందర్భంగా జరుపుకునే హిందూ పండుగ. ఈ పండుగ దైవ దంపతులైన రాధ మరియు కృష్ణులకు అంకితం చేయబడింది. దీనిని సాధారణంగా పౌర్ణమి రాత్రి లేదా ఫాల్గుణ మాసంలోని పదిహేనవ రోజున జరుపుకుంటారు. ఈ పండుగను కృష్ణ పరమాత్మను ఆరాధించే గోపాల సమాజం వారు ప్రధానంగా జరుపుకుంటారు.
పురాణాల ప్రకారం, కృష్ణుడు తన ప్రియ సఖీ రాధతో ఊయల మీద ఆడుతున్నప్పుడు, ఆమె ముఖంపై కృష్ణుడు గులాల్ లాంటి పొడిని విసిరడం రాధ పట్ల తనకు ఎంత ప్రేమ ఉందో చూపించింది. వారి ప్రణయానికి యొక్క చిహ్నంగా ఉన్న పల్లకిపై జంటను తిప్పడం ద్వారా వారి బంధాన్ని స్మరించుకుంటారు. డోల్ జాత్ర ఆ విధంగా ప్రారంభించబడింది. సాంప్రదాయ బెంగాలీ డోల్ జాత్ర నేటికీ ఎండిన రంగులను ఉపయోగించి నిర్వహిస్తారు.
డోల్ పూర్ణిమ యొక్క పవిత్రమైన రోజున, శ్రీకృష్ణుడు మరియు అతని ప్రియమైన రాధ విగ్రహాలను రంగుల పొడులతో అలంకరిస్తారు. బెంగాల్ , ఒడిశా , అస్సాం రాష్ట్రాల్లో పూలు , ఆకులు , రంగుల వస్త్రాలు , కాగితాలతో అలంకరించిన పల్లకీలపై రాధాకృష్ణుల విగ్రహాలను ఊరేగింపుగా తీసుకువెళతారు. ఊరేగింపు సంగీతం, తాళాలు , బాకాలు ఊదడం మరియు 'జై' (విజయం) మరియు ' హోరీ బోలా ' నినాదాలతో సాగుతుంది .
వివిధ సంప్రదాయాలలో డోల్ పూర్ణిమ గురించి ఇలా పేర్కొన్నారు.
రాధా వల్లభ సంప్రదాయం మరియు అరిదాసి సంప్రదాయాలలో ఈ పండుగను అత్యంత వైభవంగా జరుపుకుంటారు. ఈ పండుగ సందర్భంగా రాధాకృష్ణుల విగ్రహాలకు పూజలు చేసి రంగులు, పూలతో పండుగను ప్రారంభిస్తారు.
గౌడీయ వైష్ణవ మతంలో, రాధా మరియు కృష్ణుల అవతారంగా గౌరవించబడే చైతన్య మహాప్రభు యొక్క జన్మదినం కూడా అవ్వడంతో ఈ పండుగకు మరింత ప్రాముఖ్యత సంతరించింది. చైతన్య మహాప్రభు గొప్ప తపస్వి మరియు తత్వవేత్త. భారతదేశంలో భక్తి ఉద్యమం నిర్మాణంలో కీలక పాత్ర పోషించారు. ఇతడు గౌడీయ వైష్ణవ సంప్రదాయ స్థాపకులు కూడా.
వల్లభాచార్యుల వారి పుష్టిమార్క్ సంప్రదాయంలో డోలోత్సవం ఎంతో ఉత్సాహంగా జరుపుకుంటారు. రాధా కృష్ణుల విగ్రహాలను ఇండోలా అని పిలిచే ప్రత్యేక ఊయలలో ఉంచి, భక్తులు వివిధ రంగులతో ఆడతారు. హోలీ-డోల్లో ప్రధాన ఆకర్షణ శ్రీనాథన్ ఆలయం. ఇది ఈ సంప్రదాయం యొక్క ప్రధాన ప్రార్థనా స్థలంగా పరిగణించబడుతుంది.
హిందూ మతంలో డోల్ పూర్ణిమకు చాలా ప్రాముఖ్యత ఉంది. ప్రజలు ఈ రోజును చాలా పవిత్రమైన రోజుగా భావిస్తారు మరియు ఈ పండుగను రాధాకృష్ణుల పట్ల పూర్తి భక్తి భావంతో జరుపుకుంటారు.
-- డి.వి.అరవింద్ (మాగల్ఫ్ ప్రతినిధి)
తాజా వార్తలు
- ఖతార్ విమానయాన రంగం.. అద్భుతమైన వృద్ధి..!
- సలాలా ఆటిజం సెంటర్.. ఆటిస్టిక్ పిల్లలకు వరం..!
- కాలువల్లో చనిపోయిన చేపలు.. మున్సిపాలిటీ క్లారిటీ
- యాంటీబయాటిక్స్ నిల్..పుకార్లను నమ్మొద్దు
- 15 ఫుడ్ పాయిజనింగ్ కేసులు నమోదు.. అలర్ట్ జారీ
- 'రామాయణం' షూటింగ్ సెట్ నుంచి రణబీర్ కపూర్, సాయి పల్లవి ఫోటోలు లీక్..
- ముంబైలో డ్రగ్స్ రాకెట్ గుట్టురట్టు..కోట్ల విలువైన కొకైన్ స్వాధీనం
- తిరుమలలో భక్తుల రద్దీ..దర్శనానికి 18 గంటలు
- వైసీపీ మ్యానిఫెస్టో విడుదల చేసిన సీఎం జగన్..
- ట్రంప్ తో డిబేట్ కు నేను సిద్ధం: బైడెన్