బాలీవుడ్ చిత్రం ‘వార్ 2’లో ఎన్టీయార్ నటిస్తున్న సంగతి తెలిసిందే. ఈ సినిమా కోసం ఎన్టీయార్ విలన్ అవతారమెత్తబోతున్నారు. ఆ పాత్ర కోసం ఎన్టీయార్ గెటప్ చాలా ప్రత్యేకంగా వుండబోతోందట.

కాగా, తాజాగా సెట్స్‌లోకి అడుగు పెట్టిన ఎన్టీయార్ ఈ షెడ్యూల్‌లో కీలక సన్నివేశాల్లో భాగం పంచుకోబోతున్నారట. అయాన్ ముఖర్జీ దర్శకత్వం వహిస్తున్న ఈ సినిమాకి పాటలు, ఫైట్స్ ప్రాణం.

పాటల విషయానికి వస్తే, ఇటు ఎన్టీయార్, అటు హృతిక్ రోషన్ ఇద్దరూ మంచి డాన్సర్లే. సో, ఇద్దరి మధ్యా ఓ కాంబినేషన్ సాంగ్ చిత్రీకరించబోతున్నారట. భీభత్సమైన డాన్స్ స్టెప్పులతో న భూతో న భవిష్యతి అనేలా ఈ పాట చిత్రీకరణ వుండబోతోందట.

అలాగే, యాక్షన్ ఘట్టాలు కూడా ఒళ్లు గగుర్పొడిచేలా వుండబోతున్నాయని తెలుస్తోంది. ముఖ్యంగా తాజా షెడ్యూల్‌లో చిత్రీకరించబోయే సాంగ్, ఓ యాక్షన్ బ్లాక్ సినిమాకి హైలైట్ కానుందట. నువ్వా.? నేనా.? అన్న చందంగా ఎన్టీయార్, హృతిక్ రోషన్ తలపడబోతున్నారట.