మస్కట్: విశ్లేషణ ఒమన్ సుల్తానేట్‌లో అస్థిర వాతావరణ పరిస్థితులు కొనసాగుతాయని నేషనల్ మల్టీ-హాజార్డ్స్ ఎర్లీ వార్నింగ్ సెంటర్ (సివిల్ ఏవియేషన్ అథారిటీ) వెల్లడించింది. ఏప్రిల్ 16న అర్ధరాత్రి నుంచి బుధవారం తెల్లవారుజాము వరకు భారీగా వర్షపాతం నమోదయ్యే అవకాశం ఉందని సివిల్ ఏవియేషన్ అథారిటీలోని వాతావరణ శాస్త్రవేత్త ఐషా జుమా అల్ ఖాస్మీ తెలిపారు.  ముసందమ్, అ'దహిరా, అల్ బురైమి, నార్త్ అల్ బతినా మరియు అ'దఖిలియా గవర్నరేట్‌లలో భారీ నుండి అతి భారీ వర్షాలు కురిసే అవకాశం ఉందని, దక్షిణ అల్ బతినా, మస్కట్ మరియు అల్ వుస్తా గవర్నరేట్‌లోని కొన్ని గవర్నరేట్‌లలో వరదలు తలత్తే అవకాశం ఉందని తెలిపారు. అ'దఖిలియా, నార్త్ ఎ'షర్కియా మరియు సౌత్ ఎ'షర్కియా గవర్నరేట్‌లలో ఉపరితల ద్రోణి కొనసాగుతుందని వాతావరణ శాస్త్రవేత్త స్పష్టం చేశారు. ప్రజలు అప్రమత్తంగా ఉండాలని, అత్యవసరమైతే తప్ప బయటకు రావొద్దని హెచ్చరించారు.