రాయల్‌ ఒమన్‌ పోలీసులు, ఆన్‌లైన్‌ రెన్యువల్‌ కోసం సరికొత్త యాప్‌ని అందుబాటులోకి తీసుకొచ్చారు. వాహనాల రిజిస్ట్రేషన్‌ రెన్యువల్‌ ఈ యాప్‌ ద్వారా సులభతరంగా జరగనుంది. రాయల్‌ ఒమన్‌ పోలీస్‌ కార్యాలయాన్ని రెన్యువల్‌ కోసం వాహనదారులు ఇకపై సంప్రదించాల్సిన అవసరం లేదు. గడువుకు ముందు 30 రోజులపాటు ఈ రెన్యువల్‌ అవకాశం కల్పిస్తారు. తనిఖీ చేయాల్సిన వాహనాలకు ఈ విధానం ద్వారా మాత్రం రెన్యువల్‌ కుదరదు. యాప్‌ని ఓపెన్‌ చేసి, అందులో ట్రాఫిక్‌ సర్వీసెస్‌ ఆప్షన్‌ని ఎంపిక చేసుకుని, ఆ తర్వత రెన్యువల్‌ ప్రాసెస్‌ని పూర్తి చేయాల్సి ఉంటుంది. తమ ఐడీ నెంబర్‌తోపాటు వాహనం నెంబర్‌ తాలూకు కోడ్‌ నంబర్స్‌ని ఎంటర్‌ చేయవలసి ఉంటుంది. ఇన్సూరెన్స్‌ ఇన్ఫర్మేషన్‌ కూడా ఇక్కడే సబ్‌మిట్‌ చేయాల్సి ఉంటుంది. జరీమానాలు ఏమైనా ఉంటే, అవి కూడా ఇక్కడే ప్రత్యక్షమవుతాయి. జరీమానాలు చెల్లించి, రెన్యువల్‌ కోసం ముందుకు వెళ్ళాలి. తమ మొబైల్‌ నంబర్‌ని ఎంటర్‌ చేశాక, పేమెంట్‌ గేట్‌వే లోకి వెళ్ళవలసి ఉటుంది. రెన్యువల్‌ పూర్తయ్యాక ఆ సమాచారం, ఆ మొబైల్‌కి చేరుతుంది.