కళ్ళు తెరవగానే 
ఊపిరి తిత్తుల నిండా  స్వచ్ఛమైన గాలిని నింపుకుంటావు 
మొన్నటి ప్రేమను 
నిన్నటి బాధను 
భుజాన వేసుకొని గూడు వదులుతావు
అడుగులు రెక్కలయినందుకు 
అలసిపోయేదాకా ఎగురుతావు 
దుఃఖం నుండి మేల్కోని వెలుతురును 
సుఖంలో నిదురించని రాతిరిని 
ఓదార్చుతూ భూమి చుట్టూ తిరుగుతావు 
గువ్వలతో పాటే గూడు చేరుకున్నాక 
అక్షరాలలో ఒదిగిపొతావు 
కడుపు నిండదు 
నిదుర పట్టదు
నీ ఆరాటమంతా
ఒక్క ముగింపు  వాక్యం కోసమే 

--పారువెల్ల