యూఏఈ: కోల్డ్ కాలింగ్ కోసం యూఏఈ రూల్స్, ఫైన్ సెట్ చేసింది. కోల్డ్ కాలింగ్‌పై నిబంధనలను కఠినతరం చేయడానికి ప్రభుత్వం జరిమానాలను ప్రవేశపెట్టింది. విక్రయదారుల నుండి వరుసగా కాల్‌లు వస్తూ ఇబ్బంది పెడుతుంటారని దుబాయ్ నివాసి అలైన్ గాల్వెజ్  తెలిపారు. "ఫారెక్స్ ట్రేడింగ్" పేరిట నాలుగు నెలల పాటు కాల్ వస్తూనే ఉన్నాయని తెలిపారు.  ఈ వారం ప్రారంభంలో జరిగిన సమావేశంలో కోల్డ్ కాలింగ్‌ను నియంత్రించే నిర్ణయాన్ని క్యాబినెట్ ఆమోదించింది. టెలిమార్కెటింగ్ పద్ధతుల కోసం మార్గదర్శకాలు సెట్ చేయనున్నారు. ఉల్లంఘనలకు జరిమానాలు కూడా ఉంటాయని,  నిబంధనలను అమలు చేయడానికి ఫెడరల్ మరియు స్థానిక అధికారులు కలిసి పని చేస్తారని పేర్కొన్నారు. నివాసితులు 'డోంట్ కాల్ రిజిస్ట్రీ (DNCR)'లో కూడా సైన్ అప్ చేయవచ్చని, నమోదు చేసుకోవడం ద్వారా టెలిమార్కెటింగ్ మరియు ప్రమోషనల్ కాల్‌లను నియంత్రించవచ్చు.