లాంగ్ గ్యాప్ తర్వాత లేడీ పవర్ స్టార్ సీనియర్ నటి విజయ శాంతి ‘సరిలేరు నీకెవ్వరూ’ సినిమాతో సెకండ్ ఇన్నింగ్స్ స్టార్ట్ చేశారు. ఇదో రకంగా చెప్పాలంటే సెకండ్ ఇన్నింగ్స్ కాదనాలి. ఎందుకంటే, ఈ సినిమాని ప్రత్యేకంగా తీసుకుని చేశారావిడ. అంతే కానీ, ఆ తర్వాత అనేక అవకాశాలొచ్చినా నటనను కంటిన్యూ చేయలేదు.

కానీ, ఇప్పుడు ఇంకోస్సారి ముఖానికి రంగేసుకోబోతున్నారట విజయ శాంతి. ఇదే ఇప్పుడు ఇండస్ర్టీ హాట్ టాపిక్. ఈ సారి చేయబోయే కాంబో అలాంటిలాంటి కాంబో కాదు మరి. మెగా పవర్ స్టార్ రామ్ చరణ్, బుచ్చిబాబు సన కాంబినేషన్ మూవీలో విజయ శాంతి నటించబోతున్నారట.

ఈ వార్త ఇలా బయటికొచ్చిందో లేదో, క్షణాల్లో ట్రెండింగ్ అయిపోయింది. నిజంగా విజయ శాంతి నటిస్తున్నారా.? లేదా.? అనేది తెలియాలంటే చిత్ర యూనిట్ నుంచి అధికారిక ప్రకటన రావల్సి వుంది.

ఒకవేళ నిజంగా నిజమే అయితే, ఈ కాంబినేషన్‌ వేరే లెవల్‌లో వుండబోతుందనాల్సిందే. అన్నింటికీ మించి ఈ సినిమాలో చిరంజీవి కూడా గెస్ట్ రోల్ పోషించబోతున్నారట అనే గాసిప్ మరో హైలైట్. అది కూడా సాధ్యమైతే ఇంక మెగా ఫ్యాన్స్‌కి పండగ వేరే లెవల్ అంతే.!