నేషనల్ క్రష్ రష్మిక మండన్నా ప్రమోషన్ కార్యక్రమాల్లో చాలా చురుగ్గా వర్క్ చేస్తుంది. ఆమె సినిమాలనే కాకుండా.. ఇప్పుడు విజయ్ దేవరకొండ సోదరుడు ఆనంద్ దేవరకొండ సినిమాలను సైతం ప్రమోట్ చేయడంలో బిజీగా వుంది.

గతంలోనూ ఆనంద్ దేవరకొండ నటించిన సినిమాకి రష్మిక మండన్నా ప్రమోషన్ హెల్ప్ చేసింది. ఇప్పుడు ఆయన నటిస్తున్న ‘గం గం గణేశా’ సినిమాకీ తన సహాయ సహకారాలు అందిస్తోంది.

ఈ సినిమా ఈ శుక్రవారం ప్రేక్షకుల ముందుకు రానుంది. ఈ నేపథ్యంలో సినిమా ప్రమోషన్లు భీభత్సంగా చేస్తున్నారు. అందులో భాగంగా నిర్వహించిన ఓ ఈవెంట్‌కి రష్మిక స్పెషల్ గెస్ట్‌గా విచ్చేసింది.

‘నువ్వు నా ఫ్యామిలీరా..’ అంటూ ఆనంద్ దేవరకొండను చాలా ప్యాంపర్ చేసింది రష్మిక మండన్నా స్టేజ్ ముఖంగా. దాంతో, ఓ వైపు దేవరకొండ ఫ్యామిలీతో రష్మిక మండన్నాకి వున్న సాన్నిహిత్యం.. దాంతో పాటూ, విజయ్ దేవరకొండను రష్మిక త్వరలో వివాహం చేసుకోబోతోందన్న ప్రచారం.. వీటన్నింటికీ ఇంకాస్త బలం చేకూరిందని చెప్పొచ్చు.

ఆ సంగతి అటుంచితే, రష్మిక ప్రమోట్ చేస్తున్న ‘గంగంగణేశా’ సినిమా ప్రోమోలకి పాజిటివ్ రెస్పాన్స్ బాగుంది. ఆల్రెడీ ‘బేబీ’ సినిమాతో హిట్ కొట్టిన ఆనంద్ దేవరకొండ ఇప్పుడు ‘గంగంగణేశా’ సినిమాతో హిట్టు కొట్టడానికి రెడీగా వున్నాడు.