హీరోలు లేడీ గెటప్స్‌ వేయడం తెలిసిన సంగతే. ఏవో కొన్ని సన్నివేశాల వరకూ మాత్రమే కాకుండా కొందరు హీరోలయితే పూర్తిగా లేడీ గెటప్‌లోనే కనిపించి సినిమాలు చేసి సెన్సేషన్స్ క్రియేట్ చేశారు గతంలో.

ముఖ్యంగా ఆ కేటగిరి అంటే గుర్తొచ్చేది సీనియర్ నటుడు రాజేంద్రప్రసాద్. ఆయన లేడీ గెటప్‌లో నటించిన చిత్రం ‘మేడమ్’ అప్పట్లో ఓ సెన్సేషన్. ఆ తర్వాత ఈ తరం హీరోల్లో తమిళ హీరో శివ కార్తికేయన్ అదే తరహా ఫుల్ లెంగ్త్ పాత్రలో నటించి మరో సెన్సేషన్ క్రియేట్ చేశాడు. ఆ సినిమానే ‘రెమో’.

తమిళంతో పాటూ తెలుగులోనూ సూపర్ హిట్ అయ్యింది ఈ సినిమా. ఇప్పుడు మాస్ కా దాస్ విశ్వక్ సేన్ కూడా ఈ జోనర్‌లో సినిమా అనౌన్స్ చేసి అందరికీ షాకిచ్చాడు.

ఆ సినిమా పేరు ‘లైలా’. టైటిల్‌తోనే సగం మార్కులు కొట్టేశాడు. ఇక, ఫస్ట్ లుక్ విషయానికి వస్తే, లైలాగా విశ్వక్ సేన్ స్టన్నింగ్ లుక్స్ కెవ్వు కేక పెట్టిస్తున్నాయ్. ఇంతవరకూ మాస్ కా దాస్ అంటే మాస్ అండ్ యూత్ హీరో. ఇకపై అమ్మాయిలకు ఈర్ష్య పుట్టే అందంతో అలరించబోతున్నాడు ‘లైలా’గా.

త్వరలోనే ఈ సినిమా షూటింగ్ స్టార్ట్ కానుంది. ఫస్ట్ లుక్ అండ్ టైటిల్ రిలీజ్ చేసి సినిమాపై ఆసక్తి పెంచేశారు. రామ్ నారాయణ్ దర్శకత్వంలో తెరకెక్కుతోన్న ఈ సినిమాలో ఆకాంక్ష శర్మ హీరోయిన్‌గా నటిస్తోంది. చూడాలి మరి లైలాగా విశ్వక్ ఎలాంటి సంచలనాలకు కేరాఫ్ అడ్రస్ కానున్నాడో.!