కొన్ని సినిమాలకు ధియేటర్లలో పెద్దగా ఆదరణ దక్కకపోయినా ఓటీటీలో సూపర్ హిట్స్ అవుతున్నాయ్. ఈ మధ్య ‘లవ్ మౌళి’ అనే ఓ బోల్డ్ సినిమా గురించి ఓ మోస్తరు టాక్ వినిపించిన సంగతి తెలిసిందే. యంగ్ హీరో నవదీప్ మెయిన్ లీడ్ పోషించిన ఈ సినిమాని బోల్డ్ మూవీగా ప్రొజెక్ట్ చేశారు.

దారుణమైన ఇంటిమేట్ సీన్లు, గాఢమైన లిప్‌లాకులు.. అంటూ ఊదరగొట్టారు. దాంతో ఓటీటీ జనం ఈ సినిమాని ఫ్యామిలీతో చూసేందుకు ఇబ్బంది పడ్డారు.

అయితే, సినిమాలో అలాంటి వల్గర్ సీన్లేమీ లేవు. ఓ మంచి కాన్సెప్ట్. విజువల్ ఫీస్ట్.. చాలా చాలా ఆర్టిస్టిక్ సినిమాటోగ్రఫీ.. అని ఓటీటీలో ఈ సినిమాని వీక్షించిన ప్రేక్షకుల నుంచి అభిప్రాయాలు వినిపిస్తున్నాయ్.

నిజంగానే ‘లవ్ మౌళి’ ఓ అద్భుతమైన సినిమా. ప్రస్తుతం వున్న సినిమాల్లో లిప్‌లాక్స్ అనేవి చాలా చాలా కామన్ అయిపోయాయ్. కొన్ని లిప్ లాక్స్‌లో అయితే ఎలాంటి షరతులు (‘ఎ’ సర్టిఫికెట్ అలర్ట్) లేకుండానే గాఢమైన రొమాంటిక్ సన్నివేశాలుంటున్నాయ్.

కానీ, బోల్డ్ ప్రచారం జరిగిన ‘లవ్ మౌళి’లోని రొమాంటిక్ సన్నివేశాలు ఆర్టిస్టిక్‌గా అనిపించాయే తప్ప వల్గర్‌గా అనిపించలేదు. ఈ సినిమాలో హీరోయిన్‌గా నటించిన పంకురి గిద్వానీ నాలుగు డిఫరెంట్ వేరియేషన్స్ వున్న పాత్రల్లో అందంగా అభినయం చూపించింది.

ఓటీటీలో చూడాలనుకునేవాళ్లు ప్రముఖ ఓటీటీ ఛానెల్ ఆహా వేదికగా ఈ సినిమాని నిరభ్యంతరంగా వీక్షించొచ్చు. అందమైన లొకేషన్లు, అద్భుతమైన సినిమాటోగ్రఫీని చూసి ఆహ్లాదంగా ఫీలవ్వొచ్చు. కొత్త కాన్సెప్టులతో సినిమాలు తెరకెక్కించాలనుకునేవాళ్లకి ‘లవ్ మౌళి’ ఓ బెస్ట్ ఇన్సిప్రేషన్.!