విక్టరీ వెంకటేష్, అనిల్ రావిపూడి కాంబినేషన్‌లో మరో క్రేజీ చిత్రం రాబోతోంది. ఇంకా టైటిల్ ఫిక్స్ చేయలేదు కానీ, తాజాగా రిలీజ్ చేసిన ఫస్ట్ లుక్ పోస్టర్ భలే ఇంట్రెస్టింగ్‌గా వుంది.

అనిల్ రావిపూడి సినిమాలంటే హిలేరియస్‌గా వుంటాయని ప్రత్యేకంగా చెప్పక్కర్లేదు. ఈ సారి ఆయన ఎంచుకున్న సబ్జెక్ట్ డిఫరెంట్ హిలేరియస్ ఎంటర్‌టైనర్‌లా తోస్తోంది. ఈ సినిమాలో వెంకటేష్‌ని ఎక్స్ కాప్ (మాజీ పోలీస్ ఆఫీసర్)గా చూపించబోతున్నాడు.

అలాగే ఆయనకు ఓ గాళ్ ప్రెండ్.. ఆవిడ కూడా మాజీనే. ఎక్స్‌లెంట్ వైఫ్ కూడా వుంది. ఇలా ‘ఎక్స్.. ఎక్స్.. ఎక్స్..’ మూడు ఎక్స్‌ల ట్రైయాంగిల్ డిఫరెంట్ ఎంటర్‌టైనర్‌గా ఈ సినిమాని రూపొందించబోతున్నాడు అనిల్ రావిపూడి.

ఫస్ట్‌లుక్‌ పోస్టర్‌లో ఓ రోజా పువ్వు, మంగళ సూత్రం, గన్ చూపించారు. ఇలాంటి కథలు బేసిగ్గా వెంకటేష్‌కి బాగా నప్పుతాయ్. అదీ అనిల్ రావిపూడి చేతిలో పండే ఫన్ ఇంకా అదిరిపోతుంది. సో, ఈ డిఫరెంట్ కామెడీ ఎంటర్‌టై‌నర్ కోసం ఇంకాస్త టైమ్ వెయిట్ చేయాల్సిందే.

అన్నట్లు ఈ సినిమాకి దిల్ రాజు నిర్మాత కాగా, మీనాక్షి చౌదరి, ఐశ్వర్య రాజేష్.. వెంకీకి జోడీగా నటిస్తున్నారు.