సమంతకి సంబంధించిన ఏ చిన్న విషయమైనా అదో పెద్ద సంచలనమే. ఆమెకు ‘మయోసైటిస్’ అనే వ్యాధి వుందని తెలిసినప్పటి నుంచీ మరింత సంచలనంగా మారింది సమంత.

తాజాగా నైట్రోజన్ ఫెరాక్సైడ్ గురించి సమంత చేసిన వ్యాఖ్యలు వివాదాస్పదమవుతున్నాయ్. తనకు ఎలాంటి వైరల్ ఇన్ఫెక్షన్ వచ్చినా నెబిలైజేషన్ చేస్తే తగ్గిపోతుందని సూచిస్తూ తాజాగా ఓ పోస్ట్ పెట్టింది.

ఆ పోస్ట్‌కి పలువురు డాక్టర్లు వ్యతిరేకిస్తూ పోస్టులు చేశారు. సమంత చేసిన హెల్త్ టిప్స్ ఫాలో చేస్తే కొన్ని సార్లు ప్రాణానికి సైతం ప్రమాదం అని సూచించారు.

సమంతలాంటి పేరున్న సెలబ్రిటీ ఇలాంటి హెల్త్ టిప్స్ సూచించడం ఎంతవరకూ సబబు.? అంటూ విమర్శలు గుప్పించారు. దాంతో, సోషల్ మీడియాలో సమంతను ఆడి పోసుకుంటున్నారు. తనకు పని చేసిన వైద్యాన్ని అందరికీ సూచించడం కరెక్ట్ కాదనీ, కొందరికి పని చేసిన వైద్యం, ఇంకొందరికి వికటించొచ్చనీ అయినా నెబులైజేషన్‌లో వాడే హైడ్రోజన్ పెరాక్సైడ్ అత్యంత ప్రమాదరకరమైనదనీ వైద్యులు సూచిస్తున్నారు.

ఈ రకంగా సమంత దారుణంగా టార్గెట్ అయిపోయింది. అయితే తనపై వస్తున్న ఈ విమర్శలకు స్పందిస్తూ సమంత, తానేమీ వెనకా ముందూ ఆలోచించకుండా ఇలాంటి వ్యాఖ్యలు చేయలేదనీ, డబ్బులు ఖర్చు చేయలేని సామాన్యుల కోసమే తాను ఈ హెల్త్ టిప్ చెప్పాననీ, తనకు ట్రీట్ చేసే వైద్యునికి దాదాపు 25 ఏళ్ల అనుభవం వుందనీ, ఆయన సూచనతోనే ఈ టిప్ చెప్పానంతే కానీ, తానేమంత అమాయకురాలిని కాదని తనపై వస్తున్న విమర్శలపై ఘాటుగా స్పందించింది సమంత. ఏది ఏమైనా బుకాయించి అడ్డంగా బుక్కయిపోయిందంటూ ఆమె రియాక్షన్‌పై భిన్న అభిప్రాయాలు వ్యక్తమవుతున్నాయ్.