బుల్లితెర పై బిగ్‌బాస్ గేమ్ షో ఎంత నెగిటివిటీ ఫేస్ చేసినా ఆ షోకి వుండే క్రేజే వేరే లెవల్. తిట్టుకుంటూనే ఆ షో గురించి మాట్లాడుకుంటుంటారు జనం.
తాజాగా బిగ్‌బాస్ తెలుగు ఎనిమిదో సీజన్ టైమొచ్చింది. సీజన్ స్టార్ట్ అవ్వడానికి రెండు మూడు నెలల ముందే ఈ షోకి సంబంధించిన కథనాలు మీడియాలో ట్రెండింగ్ అవుతుంటాయ్.
కంటెస్టెంట్ల పేర్లు కూడా అలాగే ట్రెండ్ అవుతుంటాయ్. ఈసారి బిగ్ హౌస్‌లో సందడి చేసేవాళ్లు వీళ్లేనట.. అంటూ వేడి వేడిగా ఎవరికి తోచిన కథనాలు వారు వండి వడ్డించేస్తుంటారు.
ఎక్కువగా పాపులర్ సెలబ్రిటీలను బిగ్ హౌస్‌లో కంటెస్టెంట్లుగా తీసుకుంటుంటారు. అలా లేటెస్ట్ వైరల్ పర్సన్స్ పేర్లు కొన్ని నెట్టింట హల్‌చల్ చేస్తున్నాయ్. వారిలో రాజకీయాల పరంగా పాపులర్ అయిన బర్రెలక్క, పవన్ కళ్యాణ్ ఓడిపోతాడని జోస్యం చెప్పిన వేణు స్వామి పేర్లుండడం విశేషం.
అలాగే, రేవ్ పార్టీ పేరు చెప్పి ట్రెండింగ్ అయిన నటి హేమ పేరు కూడా వినిపిస్తోంది. అయితే, గతంలో ఆల్రెడీ హేమ బిగ్‌బాస్ హౌస్‌లో (చాలా తక్కువ వారాలు 1 లేదా 2) సందడి చేసిన సంగతి తెలిసిందే.
లావణ్య అనే యువతితో డేటింగ్ రచ్చకెక్కిన నటుడు రాజ్ తరుణ్ పేరు కూడా వినిపిస్తోంది. అంతకు ముందే రాజ్ తరుణ్ పేరు వినిపించింది. బహుశా ఈ గేమ్ షో పాపులారిటీ కోసమే మనోడు ఇలా రచ్చకెక్కాడో ఏమో అన్న అనుమానాలు కూడా లేకపోలేదు. ఫైనల్లీ ఎవరెవరు బిగ్ బాస్ కంటెస్టెంట్స్‌గా వస్తారో లెట్స్ వెయిట్ అండ్ సీ ఫర్ సమ్ డేస్.