కువైట్: ట్రాఫిక్ కష్టాలకు తెరపడనుంది. ఫోర్త్ రింగ్ రోడ్ డెవలప్‌మెంట్ ప్రాజెక్ట్ తుది డిజైన్‌ను పబ్లిక్ అథారిటీ ఫర్ రోడ్స్ అండ్ ల్యాండ్ ట్రాన్స్‌పోర్ట్ ఖరారు చేయనుంది. ఈ నాల్గవ రింగ్ రోడ్డు అభివృద్ధి జనాభా పెరుగుదలకు అనుగుణంగా రహదారిని తీర్చిదిద్దనున్నారు.  ఈ ప్రాజెక్ట్ యూన్ రౌండ్‌అబౌట్ నుండి సాల్మియా ప్రాంతంలోని అల్-ముఘిరా బిన్ షుబా కూడలి వరకు 17 కిలోమీటర్ల పొడవుతో ఉంటుంది. రహదారికి ప్రతి దిశలో 3 లేన్‌లు ఉంటాయి.  పాదచారుల వంతెనలతో పాటు ఇప్పటికే ఉన్న 15 వంతెనలు,  5 కొత్త వంతెనలతో సహా 20 వంతెనలు రానున్నాయి.