రాష్ట్రవ్యాప్తంగా రంజాన్‌ ఘనంగా నిర్వహించాలని తెలంగాణ ముఖ్యమంత్రి కేసీఆర్‌ అధికారులను ఆదేశించారు. ప్రభుత్వ పరంగా అన్ని మసీదులు, ఈద్గాల వద్ద ఏర్పాట్లు చేయాలని సూచించారు. రంజాన్‌ ఏర్పాట్లపై ఈరోజు ఆయన అధికారులతో సమీక్షించారు.
రంజాన్‌ సందర్భంగా రాష్ట్రవ్యాప్తంగా అధికారికంగా ఇఫ్తార్‌ విందు నిర్వహించనున్నట్లు కేసీఆర్‌ వెల్లడించారు. ఈ నెల 26న నిజాం కళాశాల మైదానంలో నిర్వహించే ఇఫ్తార్‌ విందులో తాను పాల్గొంటానని తెలిపారు. ఈనెల 17 నుంచి 22 వరకు నగరంలోని 100 ప్రాంతాల్లో, జిల్లాల్లోని 95 నియోజకవర్గాల్లో సుమారు 2లక్షల మంది పేద ముస్లిం కుటుంబాలకు వస్త్రాలు పంపిణీ చేయాలని ఆదేశించారు.