రియాద్: రియాద్‌లోని ఒక వేర్ హౌజ్ లో దాదాపు ఐదు టన్నుల గడువు ముగిసిన పౌల్ట్రీని, అలాగే గుర్తుతెలియని పౌల్ట్రీ, గడువు తేదీలను తారుమారు చేసిన మాంసాన్ని సౌదీ ఫుడ్ అండ్ డ్రగ్ అథారిటీ (SFDA) స్వాధీనం చేసుకుంది. ఈ ఉత్పత్తులు ఆహార దుకాణాలు మరియు మార్కెట్ల ద్వారా అమ్మకం మరియు పంపిణీ కోసం సిద్ధంగా ఉన్నాయ‌ని అధికారులు తెలిపారు.  స్వాధీనం చేసుకున్న పౌల్ట్రీ,  మాంసం ఉత్పత్తులన్నింటినీ జప్తు చేసి ధ్వంసం చేసినట్లు అథారిటీ నివేదించింది. ఆహార చట్టంలోని ఆర్టికల్ 16ను ఉల్లంఘించినందుకు స‌ద‌రు కంపెనీపై SR500,000 జరిమానా విధించిన‌ట్టు తెలిపింది. ఏదైనా ఉల్లంఘనలను యూనిఫైడ్ నంబర్ (19999)కి కాల్ చేయడం ద్వారా నివేదించాలని వినియోగదారులను కోరింది.