మస్కట్: 2024 మొదటి త్రైమాసికంలో సుల్తానేట్ ఆఫ్ ఒమన్ యొక్క స్థూల దేశీయోత్పత్తి (GDP) స్థిర ధరల వద్ద 1.7 శాతం పెరిగి (మార్కెట్ ధర ప్రకారం) OMR9,537.0 మిలియన్లకు చేరుకుంది.  2023లో ఇదే కాలంలో OMR9,373.9 మిలియన్లుగా ఉంది. ఈ మేరకు నేషనల్ సెంటర్ ఫర్ స్టాటిస్టిక్స్ అండ్ ఇన్ఫర్మేషన్ (NCSI)  ప్రాథమిక డేటా నివేదికను విడుదల చేసింది.

ముడి పెట్రోలియం కార్యకలాపాలు OMR2,554.9 మిలియన్లు (3.3 శాతం తగ్గాయి), అదే సమయంలో సహజ వాయువు కార్యకలాపాలు 3 శాతం పెరిగి OMR437.1 మిలియన్లకు చేరుకున్నాయి. అంతేకాకుండా, 2023 మొదటి త్రైమాసికం చివరినాటికి OMR6,511.7 మిలియన్లతో పోలిస్తే, 2024 మొదటి త్రైమాసికం చివరినాటికి చమురుయేతర కార్యకలాపాలు 4.5 శాతం పెరిగి OMR6,803.3 మిలియన్లకు చేరాయి.

2023 మొదటి త్రైమాసికం ముగిసే సమయానికి OMR1,881.7 మిలియన్లతో పోలిస్తే పారిశ్రామిక కార్యకలాపాలు OMR1,988.1 మిలియన్లుగా నమోదయ్యాయి.వ్యవసాయం, అటవీ మరియు చేపలు పట్టే కార్యకలాపాలు OMR219 మిలియన్లు మరియు సేవా కార్యకలాపాలు OMR4,596.2 మిలియన్లుగా నమోదయ్యాయి.