కువైట్: ఎమర్జెన్సీ లేన్‌ను దుర్వినియోగం చేస్తే 25 దీనార్‌ల జరిమానాతో పాటు రెండు నెలల వరకు జైలు శిక్ష విధించబడుతుంది. ఎమర్జెన్సీ వాహనాలకు సేఫ్టీ లేన్ స్పష్టంగా ఉండేలా చూసేందుకు ఎమర్జెన్సీ లేన్‌ను దుర్వినియోగం చేసే వారికి కఠినంగా వ్యవహారించనున్నారు.

సేఫ్టీ లేన్‌లో డ్రైవింగ్ లేదా పార్కింగ్ చేయవద్దని, అత్యవసర వాహనాలకు ఇది ఖచ్చితంగా రిజర్వ్ చేసినట్టు జనరల్ ట్రాఫిక్ డిపార్ట్‌మెంట్‌లోని ట్రాఫిక్ అవేర్‌నెస్ డిపార్ట్‌మెంట్ హెడ్ లెఫ్టినెంట్ కల్నల్ అబ్దుల్లా బు హసన్ తెలిపారు. నిఘా కెమెరాలు ఉల్లంఘించిన వారిని గుర్తిస్తాయని, వారికి జరిమానాలతోపాటు జైలుశిక్ష కూడా పడే అవకాశం ఉందని హెచ్చరించారు. వాహనాలు అకస్మాత్తుగా బ్రేక్‌డౌన్‌లు లేదా ఎమర్జెన్సీ స్టాప్‌లను ఎదుర్కొన్న డ్రైవర్‌లు తమ వాహనాలను వెంటనే సేఫ్టీ లేన్ నుండి దూరంగా తరలించాలని ఆయన సూచించారు.