యూఏఈ: షార్జా సివిల్ డిఫెన్స్ ప్రకారం.. అల్ దైద్ నగరంలోని షరియా మార్కెట్‌లో గురువారం తెల్లవారుజామున జరిగిన అగ్నిప్రమాదంలో అనేక దుకాణాలు దగ్ధమయ్యాయి. మంటల కారణంగా మార్కెట్‌కు తీవ్ర నష్టం వాటిల్లింది.

షాపు యజమానులకు భారీ ఉపశమనం కలిగిస్తూ షార్జా పాలకుడు బాధిత వ్యాపారులకు వెంటనే ప్రత్యామ్నాయ దుకాణాలను అందించాలని అధికారులను ఆదేశించారు. షార్జా పాలకుడు మరియు సుప్రీం కౌన్సిల్ సభ్యుడు షేక్ డాక్టర్ సుల్తాన్ బిన్ ముహమ్మద్ అల్ ఖాసిమీ మూడు రోజుల్లో దుకాణాలు సిద్ధం చేసి బాధితులకు అందజేయాలన్నారు.  శాశ్వత మార్కెట్‌ను నిర్మించే ప్రాజెక్ట్‌ను కూడా షేక్ డాక్టర్ సుల్తాన్ ప్రకటించారు. కొత్తగా నిర్మించిన ఈ కాంప్లెక్స్‌లో కాంక్రీటుతో చేసిన 60కి పైగా వాణిజ్య దుకాణాలు ఉంటాయన్నారు.  నష్టపోయిన దుకాణ యజమానులకు కొత్త మార్కెట్‌లో కొత్త షాపులతో నష్టపరిహారం చెల్లించాలని, నష్టపోయిన వారికి ఆర్థికంగా నష్టపరిహారం అందించాలని ఆదేశించారు.