యూఏఈ: ప్రైవేట్ రంగంలో ఎమిరేటైజేషన్‌ను నియంత్రించే ప్రమాణాలు మరియు నియంత్రణలను పాటించడంలో విఫలమైనందుకు ఒక ప్రైవేట్ కంపెనీకి 10 మిలియన్ దిర్హామ్‌లు జరిమానా విధించినట్లు అధికారులు ప్రకటించారు. 113 మంది పౌరులకు ఫేక్ జాబ్స్ ఇవ్వడం ద్వారా కంపెనీ ఎమిరేటైజేషన్ లక్ష్యాలను దాటవేయడానికి ప్రయత్నించిందని అబుదాబి మిస్‌డిమీనర్ కోర్టు గుర్తించింది.

మానవ వనరులు మరియు ఎమిరేటైజేషన్ మంత్రిత్వ శాఖ (మోహ్రే) సంస్థ  ఎమిరేటైజేషన్ విధానాలలో తీవ్రమైన ఉల్లంఘనలను గుర్తించింది.  ఈ కేసును అబుదాబి పబ్లిక్ ప్రాసిక్యూషన్‌కు దర్యాప్తు కోసం సిఫార్సు చేసింది. కంపెనీ వర్క్ పర్మిట్‌లు జారీ చేసి అసలు ఉపాధి లేకుండానే  ఉద్యోగులను రిజిస్టర్ చేసుకున్నట్లు నటించినట్లు బయటపడింది. 

దేశంలోని ప్రైవేట్ కంపెనీలు 2026 నాటికి కనీసం 10 శాతానికి చేరుకోవడానికి తమ ఎమిరాటీ వర్క్‌ఫోర్స్ శాతాన్ని ప్రతి సంవత్సరం రెండు శాతం పెంచాలి.