యూఏఈ: పాదచారుల క్రాసింగ్ వద్ద ఆగిఉన్న టాక్సీని గుర్తించడంలో విఫలమైన డ్రైవర్ కారణంగా అబుదాబిలో ప్రమాదం జరిగింది. పోలీసుల రోడ్ కెమెరాల్లో  ప్రమాదం నమోదయ్యింది. ఈ 25 సెకన్ల క్లిప్‌ను పోలీసులు షేర్ చేశారు. పాదచారులు దాటడానికి ఆగిన టాక్సీని గుర్తించకుండా మినీ వ్యాన్ దాన్ని ఢీ కొట్టింది. మినీ వ్యాన్‌ను గుర్తించిన ముగ్గురు పాదచారులు అదృష్టవశాత్తూ తృటిలో ప్రమాదం నుంచి తప్పించుకున్నారు.

పాదచారుల క్రాసింగ్‌ల వద్ద డ్రైవర్లు శ్రద్ధ వహించాలని డైరెక్టరేట్ ఆఫ్ ట్రాఫిక్ అండ్ సెక్యూరిటీ పెట్రోల్ కోరింది. పాదచారులకు వారి క్రాసింగ్ కోసం నియమించబడిన ప్రదేశాలలో ప్రాధాన్యత ఇవ్వకపోతే 500 దిర్హామ్‌లు మరియు ఆరు బ్లాక్ పాయింట్లు జరిమానా విధించబదుతుందని అథారిటీ తెలిపింది.