కొంచెం బుర్ర పెడితే హారర్ కంటెంట్ కానీ, మిస్టరీ అండ్ క్రైమ్ కంటెంట్స్ కానీ భలే వర్కవుట్ అవుతున్నాయ్. తక్కువ బడ్జెట్.. ఇంటెన్స్‌తో తెరకెక్కిస్తే చాలు సక్సెస్ వచ్చి వాలినట్లే.
భాషతో సంబంధం లేకుండా కాస్టింగ్‌తో సంబంధం లేకుండా ఈ మధ్య ఈ తరహా కాన్సెప్టులు ధియేటర్లలో ఫెయిలైనా ఓటీటీలో మంచి ఆదరణ పొందుతున్నాయ్. తాజాగా ‘విరాజి’ అనే సినిమా వచ్చింది.
వరుణ్ సందేశ్ హీరో. ఒకప్పుడు లవర్ బోయ్ అయిన వరుణ్ సందేశ్ ఈ మధ్య ట్రాక్ మార్చేశాడు. డిఫరెంట్ కాన్సెప్టులు ట్రై చేస్తున్నాడు. అందులో భాగంగానే మొన్న ‘నింద’ సినిమాతో ప్రేక్షకుల్ని పలకరించాడు.
ఆ సినిమా హిట్టా.? ఫట్టా.? అనే సంగతి పక్కన పెడితే తాజాగా వచ్చిన ‘విరాజి’కి మంచి రెస్పాన్స్ వస్తోంది. ఈ సినిమా కోసం మనోడు డిఫరెంట్ లుక్ కూడా ట్రై చేశాడు.
ఇక, కథలోకి వెళితే, ఓ పాడుబడ్డ బంగ్లా, అక్కడక్కడా కొన్ని హారర్ టచ్‌లు, కట్ చేస్తే ప్రీ క్లైమాక్స్ నుంచి చెప్పలేనన్ని ట్విస్టులు.. ఇలా ‘విరాజి’ ఓ మంచి సస్పెన్స్ థ్రిల్లర్‌గా పేరు తెచ్చుకుంటోంది.
రెగ్యులర్ పాయింటే తీసుకున్నా.. తెరకెక్కించిన విధానం కొత్తగా వుంది ‘విరాజి’ని. రెండు గంటల లోపే రన్ టైమ్ కావడం ఈ సినిమాకి మరో ప్రధానమైన ఆకర్షణ. ఒకే లొకేషన్.. తక్కువ బడ్జెట్‌లో మంచి అవుట్ పుట్ రాబట్టారు. ఇదే కదా కావల్సింది సినిమాకి. భారీ బడ్జెట్ పేరు చెప్పి తీరా రిలీజయ్యాకా ఆ సినిమా అంచనాల్ని అందుకోవడానికి చేసే పాట్లు ఈ మధ్య చూస్తున్నాం. సో, ‘విరాజి’ లాంటి సినిమాల్ని ఖచ్చితంగా ఎంకరేజ్ చేసి తీరాల్సిందే.