యూఏఈ: నేషనల్ సెంటర్ ఆఫ్ మెటియోరాలజీ సూచన ప్రకారం.. వాతావరణం సాధారణంగా పాక్షికంగా మేఘావృతంగా ఉండే అవకాశం ఉంది.  బుధవారం తెల్లవారుజామున ఫుజైరా, తూర్పు తీరంలో తేలికపాటి వర్షాలు  పడ్డాయి. ఫుజైరా రోడ్లపై ఉదయం 5.19 గంటలకు వర్షం కురిసిన వీడియోను స్టార్మ్ సెంటర్ షేర్ చేసింది. NCM ప్రకారం.. తేలికపాటి నుండి మోస్తరు గాలులు వీస్తాయని, అరేబియా గల్ఫ్‌లో సముద్రం స్వల్పంగా ఉంటుందన్నారు.  ఒమన్ సముద్రంలో అలలు మోస్తరు నుండి కొద్దిగా ఉధృతంగా ఉంటాయి. దేశంలోని పర్వత ప్రాంతాలలో ఉష్ణోగ్రతలు కనిష్టంగా 22°Cకి పడిపోతాయని, యూఏఈ లోని అంతర్గత ప్రాంతాల్లో గరిష్టంగా 48°Cకి చేరుకుంటాయి. ఎమిరేట్స్ తీర ప్రాంతాల్లో తేమ స్థాయిలు గరిష్టంగా 85 శాతానికి చేరుకుంటాయని పేర్కొన్నారు.