మక్కా: ముస్లిం వరల్డ్ లీగ్ (MWL) ఆఫ్రికాలోని మలావి దేశంలో తన అతిపెద్ద నీటి ప్రాజెక్టులలో ఒకదాన్ని ఆవిష్కరించింది. MWL సెక్రటరీ జనరల్ షేక్ మొహమ్మద్ అల్-ఇస్సా, మలావి ప్రథమ మహిళ మోనికా చక్వేరా ప్రారంభోత్సవ కార్యక్రమానికి హాజరయ్యారు. ఈ వేడుకను తిలకించేందుకు స్థానిక ప్రజలు పెద్ద సంఖ్యలో తరలివచ్చారు. ఈ సందర్భంగా డాక్టర్ అల్-ఇస్సా మాట్లాడుతూ.. ఇస్లామిక్ మానవతా విలువలతో ప్రాజెక్ట్ బలమైనదని చెప్పారు. MWL ప్రయత్నాలకు చక్వేరా తన ప్రసంగంలో కృతజ్ఞతలు తెలిపారు. గతంలో నీటి కొరత, కాలుష్య సంబంధిత వ్యాధులు మరియు అకాల మరణాలతో బాధపడుతున్న వేలాది మంది నివాసితులకు ప్రాజెక్ట్  ఉపయోగ పడుతుందని పేర్కొన్నారు.