ముంబై: బ్యాంక్‌ సెలవుల కారణంగా లావాదేవీల విషయంలో ఖాతాదార్లు ఎలాంటి ఇబ్బంది పడకుండా, రిజర్వ్ బ్యాంక్ ఆఫ్ ఇండియా (RBI) ముందుగానే బ్యాంక్‌ సెలవుల జాబితాను విడుదల చేస్తుంది. కాగా, వచ్చే నెలలో (సెప్టెంబర్‌ 2024), వివిధ పండుగలు & సందర్భాలు, రెండో శనివారం, నాలుగో శనివారం, ఆదివారాల కారణంగా బ్యాంక్‌లు మొత్తం 15 రోజులు పని చేయవు. బ్యాంక్‌ సెలవులు అన్ని రాష్ట్రాలకు ఒకేలా ఉండవు, ప్రాంతాన్ని బట్టి మారతాయి.

సెప్టెంబ‌ర్ 7న (శ‌నివారం) వినాయ‌క చవితి, ఆ వెంట‌నే ఆదివారం కావ‌డంతో వ‌రుస‌గా రెండు రోజులు బ్యాంకుల‌కు సెల‌వు వ‌చ్చింది. ఇక 14వ తేదీన రెండో శ‌నివారం, 15న ఆదివారం, 16న ఈద్ సంద‌ర్భంగా వరుసగా మూడు రోజులు సెలవులు వచ్చాయి.

సెప్టెంబర్‌ నెలలో బ్యాంక్‌ సెలవు రోజులు:

• 01 సెప్టెంబర్ 2024, (ఆదివారం)–దేశవ్యాప్తంగా బ్యాంక్‌లకు సెలవు
• 05 సెప్టెంబర్ 2024, ‍(గురువారం)–శ్రీమంత శంకర్‌దేవ్, హర్తాళికా తీజ్ – అస్సాం, ఛత్తీస్‌గఢ్, సిక్కిం
• 07 సెప్టెంబర్ 2024, (శనివారం)–వినాయక చవితి–దేశవ్యాప్తంగా బ్యాంక్‌లు పని చేయవు
• 08 సెప్టెంబర్ 2024, (ఆదివారం)–దేశవ్యాప్తంగా బ్యాంక్‌లకు సెలవు
• 13 సెప్టెంబర్ 2024, (శుక్రవారం)–తేజ దశమి–రాజస్థాన్‌లో బ్యాంక్‌లకు హాలిడే
• 14 సెప్టెంబర్ 2024, (శనివారం)–రెండో శనివారం + ఓనం పండుగ
• 15 సెప్టెంబర్ 2024, (ఆదివారం)–దేశవ్యాప్తంగా బ్యాంక్‌లకు సెలవు
• 16 సెప్టెంబర్ 2024, (సోమవారం)–ఈద్ ఇ మిలాద్–దేశవ్యాప్తంగా బ్యాంక్‌లు పని చేయవు
• 17 సెప్టెంబర్ 2024, (మంగళవారం)–ఇంద్ర జాత్ర–సిక్కింలో బ్యాంక్‌లకు సెలవు ఇస్తారు
• 18 సెప్టెంబర్ 2024, (బుధవారం)–శ్రీ నారాయణ గురు సమాధి–కేరళలో బ్యాంక్‌లకు హాలిడే
• 21 సెప్టెంబర్ 2024, (శనివారం)–శ్రీ నారాయణ గురు సమాధి, కేరళలో బ్యాంక్‌లకు హాలిడే
• 22 సెప్టెంబర్ 2024, (ఆదివారం)–దేశవ్యాప్తంగా బ్యాంక్‌లకు సెలవు
• 23 సెప్టెంబర్ 2024, (సోమవారం)–అమరవీరుల దినోత్సవం–హరియాణాలో అధికారిక సెలవు
• 28 సెప్టెంబర్ 2024, (శనివారం)–నాలుగో శనివారం–దేశవ్యాప్తంగా బ్యాంక్‌లు పని చేయవు
• 29 సెప్టెంబర్ 2024, (ఆదివారం)–దేశవ్యాప్తంగా బ్యాంక్‌లకు సెలవు