యూఏఈ: సినిమా చూసేవారిలో 90 శాతం ఫోన్‌లు ‘హ్యాక్’ అయ్యాయి. మీరు చదివింది నిజమే. అయితే, ఇది ఓ ప్రయోగంలో భాగంగా నిర్వహించిన ఫేక్ స్కామ్ ట్రయల్స్ అన్నమాట.VOX సినిమాస్ వద్ద మూవీ ప్రారంభానికి ముందు 220 మంది సినీ ప్రేక్షకులకు ఓ స్కామ్ లింకును పంపారు. వారు SMS లింక్‌పై క్లిక్ చేయడం వల్ల వారి ఫోన్ లు హ్యాక్ అయ్యాయి. బ్యాంకింగ్ గ్రూప్ ఎమిరేట్స్ NBD ప్రచారంలో భాగంగా కస్టమర్‌లు అప్రమత్తంగా ఉండాలని, పెరుగుతున్న స్కామ్‌ల గురించి తెలుసుకోవాలని హెచ్చరించింది. ఈ కార్యక్రమాన్ని దుబాయ్ పోలీసులు, యూఏఈ సెంట్రల్ బ్యాంక్ సహకారంతో నిర్వహించారు.  

‘స్కామ్’లో భాగంగా.. VOX సినిమాస్ మూవీ స్క్రీన్‌పై ఒక బోట్ కనిపించి, సినిమా చూసేవారికి ఉచిత పాప్‌కార్న్ కావాలా అని అడుగుతుంది. SMSను పంపడానికి లొకేషన్-బేస్డ్ బ్రాడ్‌కాస్టర్ ఉపయోగించారు.  స్క్రీన్‌పై ఉన్న బోట్ దానిలోని లింక్‌పై వారి ఉచిత అల్పాహారం కోసం క్లిక్ చేయమని సూచించారు. వారు క్లిక్ చేసినప్పుడు, అది వారిని VOX సినిమా వెబ్‌సైట్‌ను పోలి ఉండే వెబ్‌సైట్‌కి తీసుకువెళుతుంది. అక్కడ వారి పేరు, ఫోన్ నంబర్‌ను నమోదు చేయమని అడుగుతుంది. వారు 'ఇప్పుడే రీడీమ్ చేయి'పై క్లిక్ చేసినప్పుడు, వారు హ్యాక్ చేయబడ్డారని సందేశం పాప్ అప్ అవుతుంది.  "మీలో 90 శాతం మంది మీకు ఎవరు లింకు పంపారో చూడకుండానే లింక్‌పై క్లిక్ చేసారు" అని పెద్ద రివీల్‌కు ముందు బోట్ పేర్కొంది. ఇది myvuxpay.com అనే వెబ్‌సైట్ నుండి వచ్చింది. voxcinemas.com కాదు. దయచేసి అనుమానాస్పద లింక్‌లపై క్లిక్ చేయవద్దని మెసేజులో హెచ్చరించారు. కస్టమర్‌ల వ్యక్తిగత క్రెడిట్ కేర్ వివరాలను సేకరించేందుకు చట్టబద్ధమైన కంపెనీల వెబ్ సైట్లను పోలి ఉండే నకిలీ వెబ్‌సైట్‌ల ట్రెండ్‌ను ఈ ప్రోగ్రామ్ ద్వారా అవగాహన కల్పించారు. “స్కామర్లు మోసగాళ్లు బాధితులను లక్ష్యంగా చేసుకోవడానికి వివిధ ప్లాట్‌ఫారమ్‌ల నుఎక్కువగా ఉపయోగిస్తున్నారు. వ్యక్తిగత వివరాలు, IDలు, వన్-టైమ్ పాస్‌వర్డ్‌లు (OTPలు), బ్యాంకింగ్ సమాచారాన్ని దొంగిలించే లక్ష్యంతో వారు కుట్రలు చేస్తారు. ఎమిరేట్స్ NBD తాజా అవగాహన ప్రోగ్రామ్ స్కామ్‌ల పట్ల ప్రజలు ఎలా జాగ్రత్తగా ఉండాలనే దానిపై అవగాహనను పెంచుతుంది. అప్రమత్తంగా ఉండటం ద్వారా వ్యక్తులు డబ్బు లేదా వారి వ్యక్తిగత గుర్తింపును కోల్పోయే ప్రమాదం నుండి తమను తాము రక్షించుకోవచ్చు. ”అని బ్యాంకింగ్ గ్రూప్ ఒక ప్రకటనలో తెలిపింది. బ్యాంక్ ఖాతాలకు సంబంధించిన అనుమానాస్పద లింక్‌లు లేదా ఇమెయిల్‌ సంబంధిత వివరాలను బ్యాంక్ కాల్ సెంటర్,  దుబాయ్ పోలీసులకు నివేదించాలని నివాసితులను కోరారు.