నైరుతి రుతుపవనాలు రాష్ట్రంలోకి పూర్తి స్థాయిలో విస్తరించాయి. రానున్న రెండు రోజుల్లో రాష్ట్ర వ్యాప్తంగా విస్తారంగా వర్షాలు కురిసే అవకాశం ఉందని వాతావరణ కేంద్రం తెలిపింది. కొన్ని చోట్ల భారీ వర్షాలు కురిసే అవకాశం ఉంది. ఎడతెరిపి లేకుండా వర్షాలు కురిసే అవకాశం ఉన్నందున వాగులు పొంగి పొర్లుతాయని, చెరువుల్లోకి భారీగా వరదనీరు చేరే అవకాశం ఉందని తెలిపింది. ప్రజలు, అధికారులు అప్రమత్తంగా ఉండాలని సూచించింది. రాత్రి సమయాల్లో భారీ వర్షాలు కురిసే అవకాశం ఉన్నందున ప్రజలు మరింత అప్రమత్తంగా ఉండాలని అధికారులు సూచిస్తున్నారు