కిడ్నీలో స్టోన్స్ ఏర్పడితే కొన్ని రకాల కూరగాయల్ని తినడం మానేస్తుంటారు సహజంగా.అందులో ఒకటి టమోటా.

టమోటాలను మనం కూరగాయలుగా లెక్క చేయలేం నిజానికి. ఎందుకంటే ఏ కూరగాయ వండాలన్నా టమాటా వుండాల్సిందే. అలా, సహాయ కూరగాయగా టమాటాని వాడుతుంటాం.

గ్రేవీ కోసం కానీ, ఎక్స్‌ట్రా టేస్ యాడ్ అవ్వడానికి లేదా మంచి కలర్ రావడానికి ఇలా అనేక రకాలుగా కూరలకు ఎక్స్‌ట్రాస్ యాడ్ చేసేందుకు ఖచ్చితంగా టమాటా ఉపయోగిస్తుంటాం.

అయితే, టమాటాలు ఎక్కువగా వాడితే, కిడ్నీలో స్టోన్స్ వస్తాయన్న అపోహ చాలా మందిలో వుంది. కానీ, కిడ్నీలో స్టోన్స్ అనేవి ఆక్సలేట్ ఎక్కువగా వున్న ఆహార పదార్ధాలు తినడం వల్ల వస్తుంటాయ్.

అయితే, ఆక్సలేట్ అనేది కూరగాయల్లో సహజ సిద్ధంగా వుండేదే. అలాగే టమాటాలో  కూడా ఆక్సలేట్ వుంటుంది. కానీ, అది కిడ్నీ స్టోన్స్ కలిగించేంత హానికరం కాదని నిపుణులు చెబుతున్నారు.

టమాటాలో విటమిన్ ఇ, సి, ఎ పుష్కలంగా వుంటాయ్. అలాగే, ఫైబర్ కూడా ఎక్కువ పాళ్లలో వుంటుంది. సో, ఆరోగ్యానికి టమాటా మేలు చేస్తుందే కానీ, కీడు చేయదు. అలాగే కిడ్నీ స్టోన్స్‌కి టమాటా అస్సలు కారణం కాదని నిపుణులు నొక్కి చెబుతున్నారు.