మనామా: బహ్రెయిన్ జనాభాలో యువత సంఖ్య పెరిగింది. 35 సంవత్సరాల కంటే తక్కువ వయస్సు ఉన్నవారు మూడింట రెండు వంతుల మంది ఉన్నారు. ఈ మేరకు 2024 మొదటి అర్ధ భాగంలో విడుదల చేసిన గణాంకాలు స్పష్టం చేశాయి.  33.1% బహ్రెయిన్‌లు (దాదాపు 245,102 మంది) 15-35 ఏళ్ల మధ్య ఉన్నారని డేటా తెలిపింది.  ఇందులో 15 ఏళ్లలోపు 28%, 35 ఏళ్లలోపు (452,625) 62%గా ఉన్నారు.  గణాంకాల ప్రకారం.. 119,078 మంది పురుషులతో పోలిస్తే 15-35 ఏళ్ల మధ్య 126,024 మంది మహిళలు ఉన్నారు. 35-60 సంవత్సరాల వయస్సు గల వారిలో 205,587 మంది బహ్రెయిన్‌లు ఉన్నారు. ఇక సీనియర్ సిటిజన్ జనాభా పరంగా.. 60 ఏళ్లు పైబడిన వారు మొత్తం బహ్రెయిన్ జనాభాలో 11% (81,524) మంది ఉన్నారు.