యూఏఈ: యూఏఈ నివాసితులు వాతావరణ మార్పుల కోసం సిద్ధం కావాలని, రాబోయే రెండు నెలల్లో భారీ వర్షాలు కురిసే అవకాశం ఉందని నేషనల్ సెంటర్ ఆఫ్ మెటియరాలజీ (NCM) నుండి వాతావరణ నిపుణుడు డాక్టర్ అహ్మద్ హబీబ్ వివరించారు.   రాబోయే రోజుల్లో వాతావరణంలో వేగవంతమైన మార్పులు చోటుచేసుకుంటాయన్నారు.  అల్పపీడన వ్యవస్థ పశ్చిమం నుండి విస్తరించి, గాలిలోకి తేమను పెరుగుతుందన్నారు. దీంతో పొగమంచు ఏర్పడే అవకాశం ఎక్కువగా ఉంటుందని హబీబ్ తెలిపారు. సాధారణంగా సెప్టెంబరు నెలను వేసవి చివరి నెలగా పరిగణిస్తారు. ఆ తర్వాత ఉష్ణోగ్రతలు తగ్గుముఖం పడతాయి. ప్రస్తుతం ఉష్ణోగ్రతలు 42°C నుండి 45°C వరకు ఉన్నాయని, అక్టోబర్ నాటికి రెండు నుండి మూడు డిగ్రీలు తగ్గుతాయన్నారు.