అబుదాబి: వీసా క్షమాభిక్ష గ్రేస్ సమయంలో ఉల్లంఘించిన వారి స్థితిని మార్చేందుకు పాస్ పోర్టు గడువును 6 నెలల నుండి ఒక నెలకు తగ్గించాలని ఫెడరల్ అథారిటీ ఫర్ ఐడెంటిటీ అండ్ సిటిజెన్‌షిప్, కస్టమ్స్ అండ్ పోర్ట్స్ సెక్యూరిటీ (ICP) నిర్ణయించింది. ఈ మేరకు పాస్‌పోర్ట్ చెల్లుబాటు వ్యవధిని సవరించనుంది. రెసిడెన్సీ, వీసా ఉల్లంఘించినవారు, దేశంలోని విదేశాల్లో జన్మించిన పిల్లలు, అడ్మినిస్ట్రేటివ్ లిస్ట్‌లో ఉన్నవారి పాస్‌పోర్ట్‌ల చెల్లుబాటు వ్యవధిని ఆరు నెలల నుంచి ఒక నెలకు సవరించినట్టు అథారిటీ డైరెక్టర్ జనరల్ మేజర్ జనరల్ సుహైల్ సయీద్ అల్ ఖైలీ తెలిపారు. దేశంలో ఉన్న రాయబార కార్యాలయాల ద్వారా పాస్‌పోర్ట్‌లను పునరుద్ధరించుకోవచ్చని సూచించారు.పాస్‌పోర్ట్ చెల్లుబాటు వ్యవధిని సవరించాలనే నిర్ణయం..గ్రేస్ పీరియడ్ లబ్ధిదారులు ఎదుర్కొంటున్న సమస్యలకు సరైన పరిష్కారాలను అందిస్తుందన్నారు. మరింత సమాచారం కోసం అథారిటీ యొక్క కాల్ సెంటర్‌ను సంప్రదించాలని సూచించారు.