మనామా: బహ్రెయిన్ $8 బిలియన్ల రవాణా ప్రాజెక్ట్ ను విస్తరించనుంది.ఇందులో భాగంగా  $2 బిలియన్లతో బహ్రెయిన్ మెట్రో ప్రాజెక్ట్, కింగ్ హమద్ కాజ్‌వే వంటి కీలక కార్యక్రమాలతో ప్రాంతీయ కనెక్టివిటీని మెరుగుపరచడానికి ప్రణాళికలు రూపొందించారు. ఈ మేరకు మోర్డోర్ ఇంటెలిజెన్స్ ఒక నివేదిక విడుదల చేసింది. ఈ విస్తరణ బహ్రెయిన్ విజన్ 2030లో భాగమని, విస్తృతమైన పెట్టుబడులకు ఇది దోహదం చేస్తుందన్నారు.  2021 ఆర్థిక పునరుద్ధరణ ప్రణాళికలో భాగంగా $30 బిలియన్ల కంటే ఎక్కువ విలువైన 22 వ్యూహాత్మక మౌలిక సదుపాయాల ప్రాజెక్టులను ప్రారంభించారు.  వీటిలో ఐదు కృత్రిమ ద్వీపాలు ఉన్నాయి. వీటిలో ఎక్కువ భాగం ప్రభుత్వ-ప్రైవేట్ భాగస్వామ్యం ద్వారా అభివృద్ధి చేస్తున్నారు.

యూఏఈ, టర్కీకి చెందిన సంస్థలతో కూడిన జాయింట్ వెంచర్ అయిన Arabtec TAVకి $1.1 బిలియన్ల ప్రాజెక్ట్..  బహ్రెయిన్ అంతర్జాతీయ విమానాశ్రయం ఆధునికీకరణను చేపట్టనున్నారు. అదే సమయంలో సౌదీ అరేబియాతో కింగ్ ఫహద్ కాజ్‌వేకి సమాంతరంగా నడిచే కొత్త రైలు, రోడ్డు లింక్ అయిన కింగ్ హమద్ కాజ్‌వేపై నిర్మాణం చేపడుతున్నారు. బహ్రెయిన్ మెట్రో109-కిలోమీటర్ల తేలికపాటి రైలు నెట్‌వర్క్‌ను కలిగి ఉందని నివేదికలో వెల్లడించారు.