మనామా: బహ్రెయిన్ లో తక్కువ-ఆదాయం ఉన్న పౌరులపై ఆర్థిక ఒత్తిడిని తగ్గించనున్నారు. ఇందులో భాగంగా ఐదేళ్లకు పైగా పాత వాహనాలకు కార్ రిజిస్ట్రేషన్ ఫీజులను 1,000 దినార్ల నుండి కేవలం 300కి తగ్గించాలని ఎంపీలు డిమాండ్ చేశారు. పార్లమెంట్ సెషన్‌లో బహ్రెయిన్‌లోకి ప్రవేశించిన గల్ఫ్ ప్లేట్‌లను కలిగి ఉన్న కార్ల కోసం రుసుములను తగ్గించాలన్న ప్రతిపాదనను ఎంపీల బృందం సమర్పించింది. పౌరులు తమ వాహన రిజిస్ట్రేషన్‌లను సరిదిద్దుకోవడానికి 30 రోజుల గ్రేస్ పీరియడ్‌ ఇవ్వాలని MP హనన్ ఫర్దాన్ నేతృత్వంలోని ఎంపీల బృందం కోరింది. అధిక రిజిస్ట్రేషన్ రుసుములతో పాటు పౌరులు ప్రస్తుతం వాహనం మొత్తం విలువలో పన్నులు,కస్టమ్స్ సుంకాలలో అదనంగా 15%ని ఎదుర్కొంటున్నారు. దాంతో చాలా మంది వాహన యజమానులు తమ కార్లను బహ్రెయిన్ నుండి బయటకు తీసుకెళుతున్నట్లు ఎంపీలు తెలిపారు.  ఈ ఛార్జీల వల్ల ఎక్కువగా ప్రభావితమయ్యే వారు తక్కువ-ఆదాయ వ్యక్తులేనని, అధిక ఖర్చుల కారణంగా తమ వాహన ప్లేట్‌లను బహ్రెయిన్‌కు మార్చుకోలేకపోతున్నారని ఎంపీలు వివరించారు.