మనామా: బహ్రెయిన్ లో పార్కింగ్ సమస్యకు శాశ్వత పరిష్కారం లభించనుంది. MP బాస్మా ముబారక్ ప్రతిపాదించిన ప్రణాళికను ప్రతినిధుల మండలి ఏకగ్రీవంగా ఆమోదించింది. దాంతో రద్దీగా ఉండే మా హుడ్స్‌లో నిరూపయోగ భూములలో మల్టీ స్టోర్ కార్ పార్క్‌లుగా మార్చనున్నారు.  ప్రస్తుతం ఉన్న పార్కింగ్ ప్రదేశాలు నిత్యం రద్దీగా ఉంటున్నాయని, దాంతో వాహనదారులు తీవ్ర ఇబ్బందులు ఎదుర్కొంటున్నట్లు ఎంపీ అన్నారు. ఇప్పటివరకు ఉపయోగించని స్థలాలను పార్కింగ్ అవసరాలకు ఉపయోగించుకోవాలని, దాంతో పార్కింగ్ సమస్య కొంత వరకు తీరుతుందని తెలిపారు. పెరుగుతున్న కార్ల సంఖ్యతోపాటు పార్కింగ్ ప్రదేశాలు పెరగాల్సిన అవసరం ఉందన్నారు. పార్కింగ్ కేటాయింపులు స్థానిక కౌన్సిల్‌లకు సమస్యగా మారిందని పేర్కొన్నారు. ముబారక్‌ ప్రతిపాదనకు ఎంపీలు అబ్దుల్‌హకీమ్ అల్షానో, అలీ సాకర్, జమీల్ ముల్లా హసన్, అహ్మద్ అల్సలూమ్ మద్దతుగా నిలిచారు.